GRAND PARADE, NAURNOS KEN ADU TI NAKIPARTISIPAR!

Cabugao, Ilocos Sur - Naaramid ti Grand Parade ti  Cabugao Ragsak Festival 2016  iti kabigatan ti Abril 21, 2016 (Umuna nga aldaw ti Piesta)  a nagpartisiparan dagiti Kameng/Opisiales  ti  Local Government Unit (LGU)-Cabugao, 33 a barangay ti ili agraman dagiti Asosasion iti uneg ti barangay kas iti RIC, 4 Ps, BPATS, BNS, BHWs, 4-H Club, BPATs, Day Care Worker (DCW),     kompania/organisasion iti Sektor Pribado, National Offices kas iti Judiciary, NTA  kasta metten iti Muslim Traders,   CISTODAI, Alpha Phi Omega Fraternity (APO) ken ti Samahang Ilokano Fraternity (SI). 

CLICK HERE TO VIEW MORE IMAGES

Immuna iti Parada   ti  Police Mobile Patrol sa dagiti kameng ti PNP, BFP, Grand Marshal, Festival Banner, WASAR Team   ken Colors.

Maika-8  a bilang ti linia nga ayan dagiti Municipal Officials a nagparada nga indauluan da Mayor Edgardo “Ediboy” S. Cobangbang, Jr. ken  ni Vice Mayor DJ Savellano.

Simmaruno dagiti Balikbayans ken Festival Sponsors; dagiti Opisiales ti pageskuelaan-sekundaria (Pribado ken Publiko) iti ili ken dagiti kameng ti Non-Government Organizations (NGOs) ti ili.

Naiparada dagiti Float manipud Group A  to K (saggatlo a barangay)  ken sinurot ti grupo dagiti asosasion ti tunggal barangay a masakupan ti grupo agraman dagiti 11 a marching band iti pagadalan-elementaria. 

CLICK HERE TO VIEW MORE IMAGES

Nangrugi ti Parada iti Cabugao Insitute Compound, Cabugao, Ilocos Sur iti 8:00 am   ken nagrikus iti Poblasion sa nagpatingga idiay Cabugao Central Park (CCP) Compound, Cabugao, Ilocos Sur.

Kalpasan ti Parada, nangipaay ti Exhibition dagiti Players ti University of Luzon Drum & Bugle Corps ken Majorettes a nakaragsakan/nakaray-awan  iti amin  a nagbuya. Nagatendar met ni Mrs. Jerlie Seguban-Cobangbang, kapisi ti puso ni Mayor Edgardo “Ediboy” S. Cobangbang, Jr. iti nadakamat  nga exhibition.

Naisaruno ti Ceremonial Cutting of Ribbon ti One Barangay, One Product (OBOP)  Trade Exhibit. Nagtinnulongan da Mr. Josh Edward S. Cobangbang ken ni Vice Mayor DJ Savellano a nanggetteng iti ribbon ken inimatangan da Rev. Fr. Felix Costales ken dagiti Konsehales ti ili nga isuda SBM Danny Gazmen; SBM Vicky Serna; SBM Jem Tan-Yee; SBM Jett Pano; SBM Jayhan Tan; SBM Sefin Vallejo; Brgy. Captain Arnold Bambi Yangat; MAFC Chairman Rogelio Barlolong ken ni Acting Municipal Agriculturist Robert S. Savella.

Naisaganad pay a naaramid ti programa ti “Handog Titulo Program” iti Cabugao Municipal Conference Building a nangkompleto iti aktibidad a nakabuklan iti umuna nga aldaw ti Panagpiesta ti Ili.

Nagpaay nga Emcee ken Parade Coordinator  ni SB Secretary Maxfel S. Suboc. # (Web In-Action) 

CLICK HERE TO VIEW MORE IMAGES