Monday, April 25, 2016

NAPUNNO TI RAY-AW KEN RAGSAK DEP-ED NIGHT!

Cabugao, Ilocos Sur – Naaramid ti DepEd Night and Coronation Rites iti karabiyan ti Abril 22, 2016 iti Cabugao Central Park (CCP), Brgy. Bonifacio, Cabugao, Ilocos Sur a nagpartisiparan dagiti mangisursuro ken School Heads ti 26 nga Elementaria/Primaria a mangbukel  ti Cabugao DepEd District nga idauluan ni Public Schools District Supervisor Dr. Consesa T. Rumias.

CLICK HERE TO VIEW MORE IMAGES
Nagpartisipar met dagiti agad-adal nga ubbing a nairaman iti panagpabuya dagiti mangisursuro.

Nagasmang da Mayor Edgardo S. “Ediboy” S.  Cobangbang, Jr. ken ni Mrs. Jerlie S. Cobangbang a nangisaaad ti Korona ti Reyna nga inimatangan ti sibubukel a naitallaong kadayta a rabii. Nagatendar met dagiti kameng ti Konseho Munisipal nga idauluan ni Vice Mayor DJ Savellano;  Ret. Judge Efren S. Ubungen;  Miss Maria S. Rondon, Principal, Cabugao Institute; Pannakabagi ti amin nga eskuela-sekundaria iti ili a Cabugao;  Balikbayans ken dagiti Retirado a mangisursuro.

Nangipaay ti  ababa a kararag ni Mrs. Rocilyn S. Sabaten; nag-Welcome Address  ni Public Schools District Supervisor Dr. Consesa T. Rumias. Kimmablaaw kadagiti Opisiales ti Ili nga idauluan ni Mayor Edgardo “Ediboy” S. Cobangbang, Jr.  ken nagyaman iti aglaplapusanan a kaadu ti umay agbuya iti partisipasion ti 
ti DepEd iti piesta.

Imbinsana ti pateg ken akem dagiti mangisursuro a mangtagiben/mangipromot  iti kultura ken napintas a sursuro. Kinaritna dagiti Teachers a mangaramid ti akemda a sipipinget para iti pagsayaatan ti benneg ti Edukasion iti ili a Cabugao partikular iti Sektor-Edukasion.


Kalpasan a makoronaan ti Reyna, nangipaay ti Mensahe ni Mayor Ediboy. Kimmablaaw ken nagyaman iti nangayed a partisipasion ti DepEd iti panagpiesta ti ili. Rinaem ni  Mayor Ediboy  iti akem ti DepEd Cabugao a mangpaspasantak kadagiti napintas a maipabuya a nakairamenan ti kultura ken tagipatgen a galad ni Cabugaoenians ken iti panagselebrar ti Piesta nga impamatmat  ti Pamilia ti DepEd.

Impeksa ti Alkalde Munisipal iti naimpusuan ken naragsak a panagyamanna iti kaadu ti nakipartisipar ken aglaplapusanan a pannakikaysa dagiti umili itoy a tawen a pannakarambak ti piesta ti ili.

Inyawat  met ni Mr. Josh Edward S. Cobangbang ti Tropeo iti Reyna.

Naaramid met ti  panagpabuya dagiti ubbing a pannakabagi ti tunggal Zona ti DepEd-Cabugao.

Kangrunaan a namagpikapik ti pannakarambak ti Education Night iti panagatendar ni Actor-Singer Sam Concepcion a nangharana iti Reyna ken dagiti Prinsesa ken nangray-aw kadagiti reprep a nagbuya.

Nagpaay nga Emcee da Mrs. Rocilyn S. Sabaten, Miss Singson ken ni Mr. Rommel Santella. # (Web In-Action)

  
CLICK HERE TO VIEW MORE IMAGES

No comments:

Post a Comment