Cabugao, Ilocos Sur - Naaramid ti pannakai - Award ti 37 a Titulo babaen iti “Handog Titulo Program” kadagiti maseknan nga umili iti pito a barangay para iti programa ti libre a panagpatitulo ti daga (agriculture ken residential).
Binayabay ni Municipal Assessor Lilia S. Flores agraman dagiti kameng ti Staff-na dagiti pannakabagi ti Register of Deeds (ROD) ni Mayor Edgardo “Ediboy” S. Cobangbang, Jr. iti pannakaited dagiti Titulo kadagiti Benepisiario babaen iti ceremonial awarding a naaramid iti Municipal Conference Building idi Abril 21, 2016.
Maar-aramid daytoy a tinawen kabayatan iti umuna nga aldaw ti panagpiesta ti ili a Cabugao.
Kalpasan a naiwaras dagiti titulo, pinagyamanan ken binigbig ni Mayor Ediboy dagiti pannakabagi ti ROD iti serbisio a naipaay kadagiti kakailianna.
Pinagyamanan met dagiti immawat ti titulo iti LGU Cabugao, ROD ken ti DENR iti naipaay kadakuada a pagsayaatan ken seguridad ti sanikua. # (Web In-Action)
No comments:
Post a Comment