Cabugao, llocos Sur – Masunotan manen ti pannakaited dagiti bukel ti pagay (Inbred – Certified and Registered Seeds) a naggapu iti DA-RFO 1 ken ti PhilRice a maited kadagiti mannalon iti ili ti Cabugao, Ilocos Sur ket aramiden dagiti Asosasion ti Mannalon a pakaitalekanna iti panangipabulod ken panangkolektada iti bayad ti tunggal pakete ti bukel nga agbalinto daytoy a nayon ti pundo ti Asosasion-da.
Inimatangan ni Mayor Edgardo “Ediboy” S. Cobangbang, Jr. a binayabay dagiti Staff ti DA-LGU nga idauluan ni Acting Municipal Agriculturist Robert S. Savella ken dagiti Presidente ti Pederasion ti mannalon iti ili a Cabugao iti pannakaited ti binglay ti tunggal Asosasion. Naaramid ti Distribution iti sango ti Munisipio idi Abril 6, 2016.
Segun ken ni MA Savella, umabot ti 218 a Sako @ 20 kilos ti bilang ti naited a bukel ken ti presioda ket no Registered Seeds ket agbalor iti P850 ken P680 no Certified ti klasena.
Iti kallabes a Tawen 2015, naaramid ti pannakai-turnover ti 656 Packs nga alokasion iti Hybrid Seeds a naited iti 35 nga Asosasion ti mannalon iti Cabugao a ditoy ket naikkan ti 27 Packs ti tunggal Asosasion.
Ti PNPL Program ti LGU-Cabugao ken ti DA-RFO 1 ket nasamay a pangrugian dagiti asosasion iti pannakaidur-as ti klase ti bukel ken teknolohia tapno umadu manen ti bilang ti maapit iti panagtatalon iti Wet Season 2016 (Hunio-Nobiembre). # (Web In-Action)
No comments:
Post a Comment