Bayan ng Cabugao: AGRICULTURE NIGHT CELEBRATION, NARAMBAK!

Cabugao, Ilocos Sur- Naaramid ti Agriculture Night Celebration dagiti Mannalon ken Mangngalap a pakairamanan dagiti Asosasion nga adda iti salinong ti DA-LGU a kas iti Rural Improvement Club (RIC) ken iti Cabugao Federated 4-H Club a naikappeng iti Municipal Agriculture and Fisheries Council (MAFC) ken iti Cabugao Federated Farmers Association iti karabiyan ti Abril 21, 2017 iti Cabugao Central Park (CCP), Brgy. Bonifacio, Cabugao, Ilocos Sur.

CLICK HERE TO VIEW MORE PHOTOS

Nagatendar ditoy dagiti Opisiales ken Miembros iti nadumaduma nga Asosasion, dagiti Opisiales ti ili ken Barangay, Mannalon, Mangngalap, Rural Improvement Club (RIC), 4-H Club, Cooperative Officers ken dagiti umili ti Cabugao, Ilocos Sur.

Kalpasan ti kararag nga idauluan ni Mr. Dominador Reynold S. Sabio, BACALL Farmers MPA President ken iti pannakaipatayab ti National Anthem nga indauluan ni Mrs. Anita P. Calaranan, Turod RIC President, nag-Welcome Address ni Mr. Elmer G. Bromeo, Federated FA President. Kimmablaaw ken nagyaman iti naregta a pannakikammayet dagiti asosasion dagiti mannalon/mangngalap iti ili a Cabugao, Ilocos Sur iti panagpiesta ti ili. Dinakamat ni Mr. Bromeo iti suporta ti liderato ni Mayor Josh Edward S. Cobangbang ket agtultuloy ti naurnos ken natanipkel a panagkaykaysa dagiti mangbukel iti Agriculture Sector a mangidur-as iti biag ti kaamaan dagiti mayoridad nga umili ti Cabugao.

Naisaruno ti Acknowlegment of Guests/Participants ken Presentation of Judges & Criteria for Judging.

Nagpaay a Hurado para kadagiti Pasalip a naisagana da Mrs. Evangeline Seatriz, Master Teacher iti Cabugao North Central School; Mrs. Lorna Salom, Retired Teacher ken ni Miss Mildred Naval, Head Teacher iti Pug-os Elementary School.

Immuna a naiparang ti Presentation ti Cluster Nasaririt 1 a buklen dagiti Asosasion iti Brgys. Baclig; Marga-ay; Rizal; Turod ken iti Pila ken kasta metten iti Cluster 2 Nabileg a buklen met iti Brgys. Pug-os; Reppa-ac; Nagsantaan; Bungro ken iti Salapasap.

Naisaruno ti panagmartsa dagiti Opisiales ti Mannalon/Mangngalap; POs ken NGOs iti Auditorium.

CLICK HERE TO VIEW MORE PHOTOS

Nangipaay ni Mayor Josh Edward ti Mensahena ket impeksana iti nabara unay a kablaawna iti amin nga umili iti panakipagrambakda iti panagpiesta ti ili. Pinadayawanna dagiti Empleado ti DA-LGU ta isuda ti katinnulong ti LGU-Cabugao iti pannakagun-od ti ili a Top LGU kadagiti pammadayaw nga inted ti Department of Agriculture (DA) iti kallabes a Tawen. Bininsana ti maaramidan ti agtultuloy a panagtutunos ti amin a sektor a kas nabileg a puersa a mangiturong iti ad-adu pay a panagdur-as a mangparang-ay ti kasasaad ti sapasap nga umili ti Cabugao.

Binigbigna pay ti pateg ti pannakidanggay ti amin a Cabugaoenians a makipagrambak iti panagpiesta ti ili.

Pinagyamanan pay ti Ama ti Ili iti Apo a Namarsua kadagitoy a parabur a masagsagrap ti ili ket kunana nga iti agtultuloy a panangited dagiti umili iti talek ken pammati kenkuana ket agpapaay nga inspirasionna a mangbukel iti ad-adu pay a pamanunotan ken proyekto para iti pagrang-ayan ti ili ken iti kaaduan.

Naisaganad ti pannakaited ti Award of Recognition kadagiti 3 a Gawad Saka Awardees nga isuda Henry B. Saliganan; Dominador Reynold S. Sabio ken ni Robertson R. Gorospe. Indauluan ni Mayor Josh Edward S. Cobangbang ken ni Vice Mayor DJ Savellano agraman dagiti Konsehales ti ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Randy B. G. Kinaud ken ni SBM Josefina S. Vallejo iti pannakaited dagiti pammadayaw.

Kalpasan ti Entertainment/Variety Show, naisaganad ti panagpabuya ti Cluster Nadur-as a buklen ti Brgys. Daclapan; Dardarat; Namruangan; Sabang ken iti Salomague. Nagpabuya met ti Cluster 4 Nasin-aw a buklen ti Brgys. Sisim; Turod Patac; Lipit; Bonifacio; Cuancabal ken iti Sagayaden.

CLICK HERE TO VIEW MORE PHOTOS

Kalpasan a maipakaammo iti Winners iti kapintasan a Float ken iti Booth iti innem a Cluster, nagpabuya dagiti Asosasion a nangbukel iti Cluster Nasalukag ken iti Cluster Nasin-aw.

Kabayatanna, naited ti Premio dagiti nangabak iti Cooking Contest iti benneg ti Kaimasan a Luto; Pinaka-Agri Products ken Kalaingan a Cluster. Inesponsoran ti Fiesta Gas iti Cooking Contest.

Kalpasanna, naited dagiti premio kadagiti mannalon/asosasion a nakagun-od ti pammadayaw kadagiti nadumaduma a kategoria a napagsasalipan iti Agriculture and Fishery Day babaen iti panangited da Mayor Josh Edward S. Cobangbang; Vice Mayor DJ Savellano a binayabay dagiti SB Members nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Randy B. G. Kinaud ken ni SBM Josefina S. Vallejo; MAFC Chairman ken ti MAO iti DA-LGU Cabugao.

Words of Gratitude ti binagi ni Mr. Rogelio Barlolong, MAFC Chairman ti ili a Cabugao. Pinagyamananna ti amin nga adda akemna iti panagballigi ti Agriculture Day.

CLICK HERE TO VIEW MORE PHOTOS

Iti kaaldawan ti Abril 21, 2017, naaramid ti panagpiknik ti sibubukel a Sektor-Agrikultura a dinar-ayan dagiti Opisiales ti Barangay ken iti Ili sadiay Cabugao Athletic Oval a kas pangkulminar iti panagkaykaysa daytoy a sektor.

Iti Agriculture Night, nakikaysa da Pasado Mayor Edgardo “Ediboy” S. Cobangbang, Jr.; Mrs. Jerlie Seguban-Cobangbang; ABC President Teddy U. Soller ken ni MSWD Officer Mrs. Lydia S. Gazmen.

Naray-aw pay dagiti adu nga umili a nangimatang iti panagpabuya dagiti Nalatak nga Entertainment Personalities a kakadua ken idauluan ni Actress Cacay Bautista.

Nagpaay nga Emcee da MAFC Chairman Rogelio Barlolong ken ni Mrs. Grenalyn S. Amoroso. # (Web In-Action)