Cabugao, Ilocos Sur - Naaramid ti Grand Parade ti Cabugao Ragsak Festival 2017 iti kabigatan ti Abril 21, 2017 (Umuna nga aldaw ti Piesta) a nagpartisiparan dagiti Kameng/Opisiales ti Local Government Unit (LGU)-Cabugao, 33 a barangay ti ili agraman dagiti Asosasion iti uneg ti barangay a kas iti RIC, 4 Ps, BPATs, BNS, BHWs, 4-H Club, Child Deevelopment Worker (CDWs), kompania/organisasion iti Sektor Pribado, National Government Offices kasta metten iti Muslim Traders, CISTODAI, Alpha Phi Omega Fraternity (APO) ken ti Samahang Ilokano Fraternity (SI) ken ti LGBT.
 |
| CLICK HERE TO VIEW MORE PHOTOS |
Nangrugi ti Parada iti Cabugao Institute Compound iti 7:00 am ken nagpatingga iti Cabugao Central Park (CCP) Compound, Brgy. Bonifacio, Cabugao, Ilocos Sur.
Immuna iti Parada ti Police Mobile Patrol sa dagiti kameng ti PNP, BFP, Grand Marshal, Festival Banner, Cabugao Rescue Team Unit ken Colors.
Maika-7 a bilang iti linia iti ayan dagiti Municipal Officials a nagparada nga indauluan da Mayor Josh Edward S. Cobangbang ken ni Vice Mayor DJ Savellano.
 |
| CLICK HERE TO VIEW MORE PHOTOS |
Simmaruno dagiti Festival Sponsors; dagiti Opisiales ti Pageskuelaan-Elementaria/Sekundaria (Pribado ken Publiko) iti ili ken dagiti Kameng/Opisiales ti dadduma a Non-Government Organizations (NGOs) ti ili.
Naiparada dagiti Float manipud Cluster 1 agingga iti Cluster 6 a nakadibidiran iti 33 a barangay ken sinurot ti grupo dagiti Asosasion ti tunggal barangay nga indauluan dagiti mannalon ken mangngalap a masakupan ti grupo agraman dagiti 21 a marching band iti Pagadalan-Elementaria a naiballaet kadagitoy.
Nangrugi ti Parada iti Cabugao Insitute Compound, Cabugao, Ilocos Sur iti 7:30 am ken nagrikus iti Poblasion sa nagpatingga idiay Cabugao Central Park (CCP) Compound, Cabugao, Ilocos Sur.
Kalpasan ti Parada, nangipaay ti Exhibition dagiti Players iti Alina-ay-Sisim Marching Band ken ti Virgen Milagrosa University Foundation CONQUISTADORES Drum & Bugle Corps manipud iti San Carlos City, Pangasinan a nakaragsakan/nakaray-awan iti adu a nagbuya.
 |
| CLICK HERE TO VIEW MORE PHOTOS |
Naisaruno ti Cutting of Ribbon ti Trade Fair and Exhibit. Nagtinnulongan da Mayor Josh Edward S. Cobangbang ken ni Provincial Agriculturist Constante B. Botacion, Jr. a nanggetteng iti ribbon ken inimatangan da Vice Mayor DJ Savellano ken dagiti Konsehales ti ili nga isuda SBM Danny Gazmen; SBM Vicky Serna; SBM Jemaima S. Tan-Yee; SBM Bryan Jett S. Pano; SBM Jayhan Alcid-Tan; SBM Josefina Vallejo; SBM Atty. Randy B. G. Kinaud; MAFC Chairman Rogelio Barlolong; Mr. Rommel Hilario, MAO-San Juan, Ilocos Sur ken dagiti DA-LGU Staff nga idauluan ni Municipal Agriculturist Robert S. Savella.
Nagpaay nga Emcee iti Parade ni Mr. Arvin Jay Manauis, Staff iti Office of the Mayor. # (Web In-Action)
 |
| CLICK HERE TO VIEW MORE PHOTOS |
No comments:
Post a Comment