Tuesday, April 4, 2017

NAILEPPAS TI ELIMINATION ROUND, SUMARUNO TI QUARTER FINALS

Cabugao, Ilocos Sur – Nangrugi idi Abril 2, 2017 iti pannakaituloy ti salip ti 2017 Inter-Barangay Basketball Tournament ti Cabugao Cultural and Sports Complex, Brgy. Rizal, Cabugao, Ilocos Sur babaen iti pannakaaramid ti uppat a Games a pagsalipan ti innem a Team a nakaeskediul iti dayta nga aldaw  iti nadumaduma a barangay ti Cabugao para iti Quarterfinals.

Iti pannaki-amad ti Web In-Action, imbatad dagiti Coaches a nagpatingga iti Elimination Round idi Abril 1, 2017 ket dagiti sumaganad a Barangay ti  simrek iti Magic  12 ken dagiti nakaeskediul a panagay-ayamda: 

April 2, 2017 (Sunday)
2:00PM - Turod Patac vs. Rizal
3:30PM - Bonifacio vs. Nagsincaoan
5:00PM - Turod vs. Namruangan
April 3, 2017 (Monday)
3:00PM - Sabang vs. Maradodon
4:30PM - Baclig vs. Daclapan
6:00PM - Sagayaden vs. Arnap

Dagiti mangabak a Top 2 Teams ket isudanto ti sumrek iti Magic  Four para iti  Round Robin iti Semi-Finals.

Iti pannakaaramid ti minalem nga ay-ayam, naregget dagiti Sympathizers/Cheerers  ti tunggal Team a mapan agbuya kasta metten kadagiti lumugar kadayta a barangay a naggapuan ti Basketball Team.

Naannayas latta ti pannakaaramid dagiti ay-ayam maigapu iti prinsipio ti disiplina ken sportsmanship a naipakpakauna a naipasagepsep kadagiti Players babaen iti Management iti panangrugi ti Tournament.

Daytoy a paay-ayam ti Munisipio ket pakauna a pangrambak nga aktibidad dagiti agtutubo iti barangay iti masungad  a panagpiesta ti ili a Cabugao: Ragsak Cabugao Festival 2017 a  maangay  inton   Abril 21-27, 2017. # (Web Situational Report)

No comments:

Post a Comment