Monday, April 17, 2017

FFS CORN TI BARANGAY BACLIG, ADDADAN ITI MAIKATLO A LAWAS

Cabugao, Ilocos Sur – Maang-angay ti Farmers Field School-Corn Category ti BACALL MPA nga idauluan ni Mr. Dominador Reynold S. Sabio, Presidente ket naangay manen ti panagadalda idi Abril 12, 2017  iti Palay Shed ti Asosasion, Sitio Lusong Suyo, Brgy. Baclig, Cabugao, Ilocos Sur a nagatendaran dagiti 25 Corn Farmers ti Barangay Baclig ken kabangibang a barangay a tinarawidwidan ti   pannakabagi ti DA-LGU Cabugao nga isu ni Mr. Nereo S. Daproza, AT, Supervising Technologist.

Paset iti FFS Guide dagiti sumaganad: AESA – Learning Field; AESA Processing of Collected Data; Snacks; Prayer (Host Team); Recap of previous  Week Activities; Presentattion of AESA Result; Special Topics; Planning of next week Activities.

Segun ken ni Mr. Daproza, aglawa ti 1,500 metro-kuadrado iti Learning Field a nakaaramidan ti 6 a wagas ti panagasikaso (Treatments).

Daytoy a proyekto ket pagbuligan nga isayangkat ti DA-RFO 1 ken ti LGU-Cabugao nga idauluan ni Mayor Josh Edward S. Cobangbang tapno maingato ti matgedan dagiti mannalon ti mais babaen iti panangsagrapda iti maalada a pagsayaatan kadagiti kabaruanan a wagas ken Teknolohia iti panangprobitsar iti daytoy a Cash Crop. 
Maysa kadagiti napateg a gay-at ti Gobierno Munisipal nga idauluan ni Mayor Josh Edward S. Cobangbang  ket  iti pannakatakuat  dagiti maipanawen, nabiit,  ken  na-presio  a klase ti maimula dagiti mannalon nangruna iti “off-season”  babaen iti panangipatungpal ti DA-LGU iti kada panagmumula tapno manayonan ti matgedan dagiti mannalon ken mapapintas ti presio iti balanse a kaadu ti produksion.

Maysa ti mais a nabiit, kasapulan iti merkado ken eco-friendly a mairagragpin   a maimula ditoy Ilokos.   Adda latta deretso nga agmulmula ti white corn kadagiti kaaduan  a  Barangay ti ili a Cabugao, Ilocos Sur. 

Segun ken ni Mr. Nerio S. Daproza, AT, DA-LGU Cabugao a 
maipangruna met latta ti panagmula dagiti mannalon  iti tabako  iti Dry Season (Nobiembre-Mayo) ngem 
maaramid  latta ti FFS-Demo-Farm ti mais  kadagiti mayataday a lokasion iti Cabugao, Ilocos Sur ken manamnama a naikurri dagiti naadalda dagiti nagpartisiparen  iti Farmers Field School Program  ti DA-RFO 1  kadagiti barangay  a timmulong a nangisayangkat ti programa ti DA-LGU.

Nupay kasta, ti puraw a mais ket saan a nakadadanag ta nataray a lakuen a para iti konsumo ti kaaduan iti uray ania a bulan. # (Web In-Action)

No comments:

Post a Comment