Cabugao, Ilocos Sur – Naangay ti Monthly Meeting dagiti Barangay Nutrition Scholars (BNS) iti Munisipalidad ti Cabugao, Ilocos Sur idi Abril 3, 2017 a nagatendaran dagiti BNS iti 33 a barangay ti ili iti Municipal Building iti sango ti Rizal Barangay Hall, Brgy. Rizal, Cabugao, Ilocos Sur.
Nag-Preside iti nadakamat a miting da Mrs. Gloria T. Segui, Federated BNS President ken ni Ms. Jeannete Garcia, Municipal Nutrition Action Officer ti LGU-Cabugao.
Dagiti natratar ken napagnanamingan:
1. Panangtulagda iti usarenda a uniporme inton makipartisiparda iti Grand Parade no Abril 21, 2017.
2. Dagiti aramidenda iti panagatendardanto iti BNS Congress idiay Vigan City ita a bulan ti Abril 2017.
3. Pannakaileppas dagiti kasapulan a report-da iti Munisipio tapno maited dagiti kangrunaan a datos kadagiti trabahoda.
4. Agtultuloy nga eskediulda a panangaramidda ti panagtimbang kadagiti ubbing 1-to 23 Months old.
5. Pannakitinnulongda kadagiti kapada a trabahoda kadagiti Barangay Health Workers (BHWs) iti barangay kasta metten iti reporting.
6. Nataming iti update ti datos dagiti klienteda iti barangay; pannakairingpas dagiti report/papeles (Forms) babaen iti workshop dagiti maseknan a BNS iti tunggal masakupanda a barangay.
7. Naballigi pay a napagpapatangan dagiti pakaseknan ti tunggal BNS.
Ti pannakaisaknap iti napintas a serbisio ti nutrision kadagiti ubbing ket maysa a prayoridad a programa ti LGU-Cabugao nga idauluan ni Mayor Josh Edward S. Cobangbang, Chairman, Municipal Nutrition Council Committee tapno agtultuloy a mamantener ti salun-at dagiti agtan-ay nga ubbing ken natalged a kasasaad dagiti inna a pundasion iti natibker a pamilia iti kagimongan. # (Web In-Action)
No comments:
Post a Comment