Cabugao, Ilocos Sur – Naipatungpal ti Special Program for the Employment of Students (SPES) a pagbuligan nga igannuat ti Department of Labor and Employment (DOLE)-Vigan City ken iti LGU-Cabugao para kadagiti agkasapulan ti trabaho nga agad-adal ita a bakasion ti 2017.
Maibasar iti rekord ti Human Resource Management Office (HRMO) ti LGU-Cabugao, umabot ti 50 nga estudiante iti maikkan ti pribilehio nga agtrabaho ita a Summer Vacation 2017 babaen iti panagtrabahoda kadagiti Opisina ti nadumaduma a Departamento ti LGU-Cabugao a pakaidesignaranda. Pagrebbengan ti DOLE nga ited ti 40 % iti magunggonada (insentibo) nga agtrabaho idinto ta 60 % met iti aggapu iti LGU-Cabugao. Mangrugi ti panagtrabahoda iti Abril 18, 2017. Maikkan dagiti 35 a naala nga Estudiante iti 30 nga aldaw (working day) a panagtrabahoda (office skills) iti LGU-Cabugao.
Kabayatanna, nagturong dagiti SPES Students iti Opisina ni Mayor Josh Edward S. Cobangbang ket nangipaayda iti Courtesy ken kinasarita ida ti Municipal Chief Executive maipapan iti programa ti SPES. Naipasiarda kadagiti nadumaduma a Departamento/Opisina a pakaidestinuanda. Kinuyog ida dagiti HRMO Staff nga idauluan ni Miss Teresita Maximina “Mimi” S. Sison.
Iti pannakiuman ti Web In-Action kadagiti estudiante ti SPES, ipeksada ti naan-anay a panagyamanda iti LGU-Cabugao nga idauluan ni Mayor Josh Edward S. Cobangbang ken iti Ahensia ti DOLE ta maikkanda iti gundaway a nga agtrabaho para iti pagsayaatanda nga agad-adal.
Ti SPES ket programa a napataud babaen iti Republic Act 7323, Series of 1999, naamendaran babaen iti Republic Act 9547 a kangrunaan a panggepna iti mangpaadda ti pagsapulan dagiti agtutubo kadaytoy a panagbakasion ti agbasa babaen iti programa ti Department of Labor and Employment (DOLE). # (Web In-Action)
No comments:
Post a Comment