Cabugao, Ilocos Sur – Nakikaysa ti LGU-Cabugao iti naaramid a 1st Quarter Nationwide Earthquake Drill idi malem ti Marso 31, 2017 ket sadiay Pug-os National High School, Brgy. Pug-os, Cabugao, Ilocos Sur ti nakaangayan ti ceremonial venue a tinarawidwidan ti MDRRMC-Cabugao iti liderato ni Mayor Josh Edward S. Cobangbang, Chairperson.
Nagpartisipar dagiti Estudiante iti nadakamat a pagadalan iti mobilisasion iti Earthquake Drill a tinarawidwidan dagiti kameng ti MDRRMC-Cabugao nga imatonan ni Engr. Nestor B. Somera ken immasistir ti Bureau of Fire Protection-Cabugao ken nakitinnarbay dagiti School Head and Teaching Staff kasta metten dagiti Barangay Officials/BPATS iti nadakamat nga Earthquake Drill.
Kabayatanna, impadamag ni BFP Officer Cloyd Acosta a nagiyadalda iti Fire Prevention Tips, First Aid and Rescue kadagiti Kandidato/Kandidata iti Mr. & Ms. Teen Cabugao 2017 sadiay ECCD Building, Brgy. Rizal, Cabugao, Ilocos Sur idi Abril 1, 2017.
Dagitoy nga aksion ken inisiatiba ket gubuay iti napintek a koordinasion ti MDRRMC-Cabugao a kaduana ti BFP-Cabugao ken iti panangkomplementar ti LGU-Cabugao nga idauluan ni Mayor Josh Edward S. Cobangbang iti agtultuloy a pannaka-edukar dagiti umili iti umisu a panangliklik/panangprebentar kadagiti tumaud a kalamidad ken didigra. # (Web In-Action)
No comments:
Post a Comment