GRAND PEOPLE’S PARADE 2019, NARAGSAK KEN ADU TI NAGPARTISIPAR

Cabugao, Ilocos Sur - Naaramid ti Grand People’s Parade ti  Ragsak Cabugao Festival 2019  iti kabigatan ti Abril 24, 2019 (Umuna nga aldaw ti Piesta)  a nagpartisiparan dagiti Kameng/Opisiales  ti  Local Government Unit (LGU)-Cabugao, Opisiales ti 33 a barangay ti ili agraman dagiti Asosasion iti uneg ti barangay a kas iti RIC, 4 Ps, BPATs, BNS, BHWs, 4-H Club, Child Development Worker (CDWs),     kompania/organisasion iti Sektor Pribado, National Government Offices  kasta metten iti Muslim Traders,   CISTODAI, Alpha Phi Omega Fraternity (APO); United Ilocandia Fraternity (UI) ken ti Samahang Ilokano Fraternity (SI). 

CLICK HERE TO VIEW MORE PHOTOS

Nangrugi ti Parada iti Cabugao Institute Compound iti 7:00 am ken nagpatingga iti Cabugao Athletic Oval, Brgy. Bonifacio, Cabugao, Ilocos Sur. 

Immuna iti Parada   ti  Police Mobile Patrol;   iti Imahen ni San Markos Ebanghelista a binayabay dagiti Opisiales ti Organisasion ti Simbaan sa dagiti kameng ti PNP; BFP ken  iti  Cabugao Rescue Team Unit.

Indauluan ni  Mayor Josh Edward S. Cobangbang dagiti opisiales ti Ili a nakiparada.

Simmaruno dagiti Opisiales ti Pageskuelaan-Elementaria/Sekundaria (Pribado ken Publiko) iti ili ken dagiti Kameng/Opisiales ti dadduma a Non-Government Organizations (NGOs) ti ili.

Nakiparada dagiti Opisiales ti Barangay ken Asosasion ken sinurot ti grupo dagiti Asosasion ti tunggal barangay a makasakup iti grupoda agramanen  dagiti marching band iti Pagadalan-Elementaria a naiballaet kadagitoy. 

Nangrugi ti Parada iti Cabugao Institute Compound, Cabugao, Ilocos Sur iti 7:30  am   ken nagrikus iti Poblasion sa nagpatingga idiay Cabugao Athletic Oval, Brgy. Bonifacio, Cabugao, Ilocos Sur.

Kalpasan ti Parada, nangipaay ti Exhibition dagiti Players iti 31 Band a nakaragsakan/nakaray-awan  iti adu a nagbuya. 

Nagsasaruno a naaramid iti Larong Lahi a nangray-aw ken nangparagsak pay kadagiti umili a nagbuya kas iti Palosebo; tinniliwan ti baboy ken kite flying a nagpartisiparan ti nadumaduma a sektor kas iti kalalakian, kababaian ken  agtutubo.

Naaramid ti Trade Fair and  Exhibit nga immatonan dagiti dagiti DA-LGU Staff nga idauluan ni OIC Municipal Agriculturist Nereo S. Daproza.

Naaramid pay ti Mega Job Fair iti Cabugao Cultural and Sports Complex, Barangay Rizal, Cabugao, Ilocos Sur  a nakatiponan dagiti pannakabagi ti Employment Agencies a masindadaan a mangallawat kadagiti naruay a napan nagdamag ken nagaplay a kualipikado nga aplikante.

Nagpaay nga Emcee iti Grand Parade ken  Larong ng Lahi ni Mr. Kevin S. Somera, Staff iti  Office of the Mayor. # (Web In-Action)

CLICK HERE TO VIEW MORE PHOTOS