Pinasingkedan ni Dr. Marilou Cardenas ti Rural Health Unit ti Santa a dagiti nataengan nga agtawen iti uppat a pulo agpangato ken dagiti senior citizen iti gagangay a maapektaran iti sakit a tuberculosis ta mabay-bay-an iti uyek da ken nu dadduma ket aglalaok iti agas a tumtumaren da uray nu awan iti reseta iti doktor kadakuada.
Segun ken ni Dr. Cardenas, nu makalawasen iti uyek ket masapul nga agpadoktor tapnu makita a naimbag nu anya iti rason iti saan a maim-imbag a panaguyek ken tapnu maamuan nu agsagsagaba ti TB wennu saan.
Nu met agpositibo ti TB iti maysa a tao, awan iti pagparikotan na ta baklayen iti gobyerno ti innem a bulan a panagpaagas na ta adda dagiti maited kenkuana a libre nga agas agingga nga umimbag.
Kalpasan iti innem a bulan, masapul nga umimbag ti pasyente ket makita kadagiti tests a dumalanan na a cleared wennu negative iti tubercurine virus, ngem nu positibo latta iti nasao a klase ti virus a mangitunda iti tuberculosis, mairekomenda iti pasyente iti gene expert tapnu maamuan nu apay a saan nga immimbag iti laksid a dimmalan iti innem a bulan a TB treatment. # Gelline De Guzman/Bombo Radyo
No comments:
Post a Comment