Cabugao, Ilocos Sur – Saan a mapasamak ti panagkurang ti suplay ti nateng iti NISTC Public Market ta adda latta maprodukto dagiti Off-Season Planters nangruna kadagiti barangay a naed dagiti mannalon a marmaruam nga agmula ti nateng.
Iti Tiendaan ti ili ti Cabugao, naregta ken nasapa a mapan aglako dagiti Vegetable Vendor and Traders iti partena a masakupanda iti Tiendaan nagruna iti kaaldawan ti Tienda. Imbatad ti kaaduan kadagiti aglaklako a saan a problema ti presio ti nateng ta mabalanse maigapu kadagiti maapit iti Off-Season.
Kabayatanna, innayon dagiti Vegetable Vendors nga adu pay ti nateng nga aggapu iti kabangibang nga ili a mangbalanse no kaspangarigan bumassit ti suplay ti merkado.
Kabayatanna, aktibo latta met dagiti agnatnateng nga agipalugan ti lakoda iti “bagsakanda” iti igid ti National Highway a maibiahe dagitoy idiay Manila; Pangasinan ken idiay Cagayan.
Dagitoy nga aksion ken inisiatiba ket resulta iti nasaknap a programa ti Gobierno Munisipal nga idauluan ni Mayor Josh Edward S. Cobangbang iti agtultuloy a pannakaparegget iti programa ti Vegetable Production ti ili. # (Web Situational Report)
No comments:
Post a Comment