Cabugao, Ilocos Sur – Ti grupo ti Clean and Green Program ti Munisipio ket as-asikasuenna dagiti Pasilidad ti Munisipio (Parke ken Plaza) tapno naan-anay iti pannakalinis ken pannakapapintasda a mabuya iti aglawlaw.
Maysa a kangrunaan a mamantener ket iti Cabugao Central Park (CCP) a daydaywen ti umili ken bisita iti aldaw ken sardam ken kangrunaan a disso a pakaangayan/pagpabuyaan dagiti aktibidades para iti sapasap.
Iti sabali a bangir, agtultuloy met a mamantener dagiti pasilidad nga usaren ti sapasap nga aggatang iti NISTC Public Market.
Kabayatanna, regular met a madalusan iti aglawlaw dagiti pasdek iti Cabugao Commercial Annex iti sango ti NISTC Public Market kasta metten iti pagperiaan iti lauden ti Food Court ken rinabii ti ipapan ti panag-peria dagiti umili ken iti pamiliada a pangparagsak iti umadani a panagpiesta ti ili.
Dagitoy nga aksion ken inisiatiba ket paset ti Direktiba ti Municipal Chief Executive ti ili iti agtultuloy a panangpapintas iti aglawlaw iti ili a pagsayaatan ken pakairanudan ti sapasap ken panagsagana para iti panagrugi ti mapasamak a dadakkel a selebrasion ti ili ita a Tawen 2019 a kas iti Semana Santa ken Piesta ti Ili. # (Web In-Action)
No comments:
Post a Comment