Cabugao, Ilocos Sur – Naangay ti pannakaelektar dagiti Opisiales ti Cabugao Federated Senior Citizen itay nabiit iti Senior Citizens’ Center, Brgy. Rizal, Cabugao, Ilocos Sur.
Impakaammo ni Mr. Bonifacio Somera, Presidente a nagatendar dagiti Staff ti MSWDO nga idauluan ni Mrs. Lydia S. Gazmen, MSWD Officer ken ni Mr. Rmigio B. Sunico, OISCA Head tapno makipagtamingda iti nadakamat a panagpipili.
Kalpasan ti pannakakanta ti Philippine National Anthem, naisaruno ti Roll Call, President Report, Treasurer Report ken dadduma pay a pakaseknanda.
Naisaganad ti pannakaaramid ti Eleksion ket napili ni Mrs. Constancia Sonido, dati a Bise Presidente a nangsukat ken ni Mr. Bonifacio Somera ti Barangay Quezon.
Nataming pay ti Masterlist iti Saranay iti tunggal Barangay Chapter kasta metten iti Death Aid ken iti igannuatda a Prayer Service.
Kalpasan ti pannakabigbig dagiti kabarbaro nga Opisiales ti Senior Citizen, kinantaan ti ragup ni Federated Treasurer Ms. Corazon S. Suboc a nagkasangay itatta nga aldaw. # (Web In-Action)
No comments:
Post a Comment