Cabugao, Ilocos Sur – Nagleppas ti selebrasion ti Semana Santa (Abril 14-Abril 19) kadagiti umili ti Cabugao, Ilocos Sur. Iti kangitingitan dagiti “Nangina nga Aldaw” ket naipamaysa dagiti umili iti nagselebrar iti sidong ti pamilia, gagayyem ken kakabagianda.
Kabayatanna, naaramid ti Estasion Heneral idi malem ti Martes Santo ket naangay ti panaglibut kadagiti Processional Route iti Poblasion babaen kadagiti Parishioners ti Iglesia Romano Katolika.
Naaramid ti Libut Santo Entiero ti Iglesia Romano Katolika idi malem ti Biyernes Santo, Abril 19, 2019 ken kasta met iti inaramid dagiti kameng iti Iglesia Filipina Independiente (IFI) ket naglibutda met iti Poblasion.
Iti unos dagiti aldaw a masakupan ti Semana Santa 2019, naipamaysa a tinarawidwidan ti Law Enforcement Group kas iti Polisia; BFP ken Rescuers iti naannayas a turong ti trapiko iti amin a direksion a pagaaduan ti tao: iti Simbaan, Kalsada Nasional ken idiay Tiendaan (NISTC) ken kadagiti Resorts.
Impatungpal ti puersa ti Municipal Police Station iti pannakaipakat ti akemda ken kakammayetna ti Local Government Unit (LGU) iti naaramid a Holy Week Break. # (Web Situational Report)
No comments:
Post a Comment