Cabugao, Ilocos Sur – Maang-angay ti 3-Day Training-Wokshop on Bamboo Stand Rehabilitation and Nursery Management iti Cabugao Cultural and Sports Complex, Brgy. Rizal, Cabugao, Ilocos Sur mangrugi iti Agosto 7 agingga iti Agosto 9, 2014.
Nagpartisipar ti umabot ti 400 a katao a naggapu iti lima nga ili nga isuda dagiti kameng ken Opisiales ti Bamboo Growers Association iti ili ti Sto. Domingo, Magsingal, San Juan, Cabugao ken ti Sinait. Kasta metten dagiti kameng ti 4-H Club ti kada ili, mannalon, Barangay Officials ken estudiante ti Ilocos Sur Community College (ISCS)-Barangay Demo Farm Campus, Brgy. Labnig, San Juan, Ilocos Sur nga idauluan ni Dr. Cesar Soller, DVM, Manager-Director.
Iti 1st day, Kalpasan ti Opening Prayer ken pannakakanta ti National Anthem, naaramid ti Acknowledgement of Participants babaen ken ni Mr. Dante U. Gagto, Provincial Bamboo Coordinator.
Imbagian met ni ABC President, Brgy. Captain Thaddeus U. Soller ni Mayor Edgardo “Ediboy” S. Cobangbang, Jr. ket kimmablaaw ken nagyaman ti ABC President ta maisuro ti naan-anay a teknolohia ti panagmula ken panangprobitsar iti mula a kawayan ditoy ili ti Cabugao ket impeksana a dagiti maadal dagiti nagpartisipar ket iyallatiwdanto dagiti naadalda kadagiti kalugaranda tapno ad-adda nga agballigi daytoy a mairusat a programa ditoy nga ili.
Nangipaay met ti Mensahe ni Vice Governor Deogracias Victor B. Savellano. Kimmablaaw ken nagyaman kadagiti nagpartisipar. Kuna ni Vice Gov. DV a saan a narigat nga aramiden ti agpatanor ti kawayan. Gapu ta agkurkurang daytoy a kasapulan iti merkado, nairusat daytoy a programa babaen iti pannakikammayet ti Gobierno Probinsial iti Philippine Bamboo Foundation, Inc. nga idauluan ni Mr. Edgardo Carlos Manda, Presidente, tapno maipaayan ti kangrunaan nga atensioan ken maikkan iti pateg ti kawayan nga idi ket maipadpadawat laeng ngem natakuatan a makatulong met a mangnayon ti matgedan babaen iti pannakaipakat ti teknolohiana iti lokalidad.
Simmaruno ti pannakaited ti Overview of the Training babaen ken ni Mr. Edgardo Carlos Mande.
Imbagian met ni Mr. Teofilo R. Quintal, Provincial Agriculturist ni Gov. Ryan Luis V. Singson ket imbasana ti Mensahena kas pakikaysa ti Gobernador kadaytoy tallo nga aldaw a seminar.
Nagsarita met ni Dr. Florentin Tesoro ti Phlipine Bamboo Foundation, Inc. sakbay a naangay ti Open Forum kadagiti agdengdengngeg. Naballigi a natratar dagiti naidatag a saludsod ken pakaseknan dagiti nagatendar.
Nagpaay nga Emcee ken Facilitator ni Miss Edith Castillo iti OPAG-Ilocos Sur. # (Web In-Action)
No comments:
Post a Comment