Cabugao, Ilocos Sur - Agtultuloy ti programa-pangkomunidad ti Kapolisan ti ili a Cabugao, Ilocos Sur nga idauluan ni Police Inspector Romar P. Renon, OIC. Dagiti aktibidades nga inaramid ti Kapolisan iti pageskuelaan ken barangay iti Nagsincaoan, Cabugao, Ilocos Sur itay nabiit ket dagiti sumaganad:
1. Babaen iti panangtimon ni SPO4 Reynante Inong, DCOP ket nagpartisiparda iti earthquake drill iti Nagsincaoan Elementary School idi Marso 7, 2017.
2. Naglektiur ni PO2 Pascua, duty WCPD kadagiti Grade 5 pupils iti Nagsincaoan Elementary School maipapan iti (RA 10627) Anti-Bullying Act of 2013 ken iti RA 9262 kadagiti agad-adal ken dagiti residente ditoy a barangay a paset iti panagselebrar iti 2018 National Womens Month 2018. Naaramid dagitoy idi Marso 7, 2018 iti nadakamat a barangay.
Ti Republic Act No. 9262 ket iti masasao nga "Anti-Violence Against Women and their Children (VAWC) Act of 2004 a mangitandudo iti kalintegan dagiti babbai ken dagiti ubbing idinto ta iti Republic Act 10627 wenno Anti-Bullying Act ket linteg a mangprotektar kadagiti ubbing iti kindergarten, elementary ken iti secondary schools kasta metten kadagiti learning centers iti aramid a “bullying”. # (Web In-Action)
No comments:
Post a Comment