78 TI TEST PASSERS TI ALS ITA DITOY CABUGAO

Cabugao, Ilocos Sur – Naiparuar ti nakapasa iti Eksamen a nagpartisiparan ti 81  nga ALS Learners ti Cabugao, Ilocos Sur iti  Alternative Learning System (ALS) - DepED Cabugao District a programa ti Department of Education (DepED) kadagiti Out-Of-School Youth (OSY)/Dropouts iti masakupan ti CY 2017-2018.

Segun ken ni Mr. Warren Sumibcay, ALS Mobile Teacher ti Cabugao South Central School ket umabot iti 81  a Learners ti ALS Batch 2017  ti nageksamen  iti namindua a batches ket  64 dagiti napagasatan a nakaruar iti masakupanna idinto ta 14 met ti nakaruar a Test Passers iti isursuro ni Mr. Gilbert Seguritan, baro nga ALS Teacher.  Umawatda ti Diploma  iti Elementaria ken iti High School malaksid iti Certificate nga ited ti  TESDA.

Manamnama nga aggraduar dagitoy a test passers idiay Vigan Convention Center, Vigan City iti agtapos ti Agosto 2018.  # (Web In-Action)