Cabugao, Ilocos Sur – Nagtitipon ti umabot iti 50 a napili nga student/pupil leaders kadagiti pagadalan ti elementaria ken sekundaria iti ili a Cabugao, Ilocos Sur idi malem ti Agosto 6, 2018 iti SB-ABC Hall, Cabugao, Ilocos Sur.
Ti panggep ti panagtitipon ket tapno mapamiliarisa ti tunggal maysa a napili a mangibagi para iti programa ti LGU-Cabugao a pannakapanday ti kabaelan dagiti ubbing a lideres babaen iti Young Public Servant.
Napili a Little Mayor ni Mark Justin Siembre Molina ken agad-adal iti Lipit National High School, Barangay Lipit, Cabugao, Ilocos Sur a mangidaulo kadagiti Young Public Servant ita a Tawen 2018-2019.
Tinarawidwidan da Tourism and Municipal Information Officer Dario Roy Siruno a binayabay dagiti SK President nga indauluan ni Cabugao SK Federated President Marc Russel Morales ti nadakamat nga eleksion.
Timmarabay met ni SBM Atty. Bryan Jett S. Pano, Chairman, Committee on Youth and Sports. # (Web In-Action)
No comments:
Post a Comment