Monday, August 6, 2018

UPDATE TI PANAGTALON ITI WET SEASON 2018

Cabugao, Ilocos Sur – Iti panakaisar-ong ti Web In-Action kadagiti barangay ti Munisipalidad, naammuan kadagiti mannalon a   main-inutanda  ti dati  a matalonda  a nasapa  iti  Wet Season 2018 (Hunio-Nobiembre) babaen iti diskarteda ti pagpadanum. 

Imbatad ni Municipal Rice Program Coordinator  Nathaniel B. Galamgam, AT, nga umaboten ti 97 % iti 2,247 Ektaria a dati a mataltalon ti namulaanen ti pagay nagruna iti 
irrigated area.

Inulit ni Mr. Galamgam nga imbaga a manam-ayan dagiti mannalon ta tunggal asosasion ket naikkanda  iti pagsusublatanda a ramit a pagtalon kas iti hand tractor (kuliglig) iti kaaduan, hose ken makina (water pump)  a pagpakunot ti danum iti aminen nga asosasion babaen iti panangpataud  ti DA-RFO 1 ken ti LGU-Cabugao kadagitoy a pagimbagan dagiti mannalon ti ili.

Ti nabatbati a pito a porsiento a di pay namulaan ket dagiti rainfed area a masarakan kadagiti sumagmamano a barangay nupay masakupanda iti nasapa a panagtutudo ket bulan ti Agosto latta ti eskediul a  panagtalonda. # (Web Situational Report)

No comments:

Post a Comment