Cabugao, Ilocos Sur – Immawat ti oil subsidy (P175/individual farmer) ita nga aldaw, Mayo 14, 2012 dagiti mannalon iti innem a barangay: Marga-ay, Pug-os, Reppa-ac, Nagsantaan, Bato ken Turod iti uneg ti Cabugao Cultural and Sports Complex, Brgy. Rizal, Cabugao, Ilocos Sur.
Kaaduan a barangay ti kimmuyog ti Kapitanda ken Presidente ti asosasionda a mannalon.
“Kas napateg a sagut nga umaymi danonen nga alaen. Sapay ta maulitto manen ken dakdakkel nupay ti kapatgan ditoy ket maipamaysa ken sapasap a maikkankami a mannalon. Agyamankami kada Apo Mayor,” kinuna ni Brgy. Captain Mario Peralta ti Brgy. Nagsantaan a nangbayabay kadagiti kabarangayanna.
“Napintas a kitaen a makasagrapkami amin, saan nga iti kinabassit ti gatad ti pansinen. Agyamankami unay ta masaranaykami ta adda an-anayan,” insupusop met ni Mr. Emigidio Saribay ti Barangay Pug-os.
Saanda a maibalikas ti panagyamanda ngem no agdamagka iti maysan-maysa kadagiti mannalon, inawatda ti bagida a sipupuso ken siraragsak! # (Web In-Action)
No comments:
Post a Comment