Cabugao, Ilocos Sur – Naiyallawat ita nga aldaw, Hunio 11, 2012 iti ikut ti 33 a Farmers Association ti Munisipalidad ti Cabugao iti 33 a makina ti Diesel Engine (R180) with pump and accessories ken 1 rolyo a Hose (2 diameter) kalpasan ti panagtataripnong dagiti Presidente ti tunggal asosasion a mangbukel ti Pederasion nga idauluan ni Mr. Elmer Guerrero Bromeo.
Iti panagtitiponda, ginundawayanda a trinatar dagiti saan pay a nalpas a pakaseknanda mainaig kadagiti programa ken aktibidadda iti Pederasion ket natamingda dagitoy a sibaballigi.
Tinarawidwidan da Mrs. Ester Aguimbag, Municipal Farmers’ Association Coordinator ken ni Mr. Obas Bill Y. Baclig, Staff ti DA-LGU ti pannakaiwaras dagiti nasao a makina.
“Iti nagan ti Pederasion, ulitenmi manen ti agyaman ken ni Congressman Ryan agraman ni Mayor Ediboy iti panangipategda iti pagkasapulanmi a mannalon. Ikumitmi met a salimetmetan ken taripatuenmi dagitoy a ramit tapno agtultuloy ti usarda para iti pagimbagan ti sapasap,” imbatad ni Mr. Elmer Guerrero Bromeo, Federated Farmers President. # (Web In-Action)
No comments:
Post a Comment