CABUGAO, ILOCOS SUR - JUNE 11, 2012 - Nalpas manen ti maikatlo a pannakaiwaras ti Oil Subsidy dagiti innem (6) a mabenepisiaran a Barangay iti ili ti Cabugao. (Barangay Cuantacla, Lipit, Cuancabal, Sagayaden, Pila , ken Dardarat).
Naruay dagiti Mannalon a dimmanon iti naisibar a lugar a pagplastaran dagiti agited iti sango ti Munisipio tapno alaenda ti pannakabagida iti nasao a subsidy.
"Dakkel nga pagyamananmi iti Munisipiota-yo kasta met dagiti mangipangulo kadatayo kas kada Apo Mayor ta nairamankami kadaytoy a tulong nga aggapu iti 7171. Bassit ngem dakkel ti kaipapananna kadakami nga mannalon ken mangngalap aglalo ita ta nguminngina ti lana nga angkatentayo a produkto." Kapanunotan ni Former Brgy. Captain Fermin Solis Sesuca ti Barangay Dardarat.
Nupay nasapa a dimteng ti kaaduan a benepisiario iti innem a barangay, naanus latta met dagiti pannakabagi ti DA-LGU nga idauluan ni OIC Robert Sabio Savella a manguray kadagiti saan a nakasango nga immay iti bigat. (Web In-Action)
No comments:
Post a Comment