Cabugao, Ilocos Sur – Naangay ti Special Meeting ti Federated Rural Improvement Club (RIC) ti Cabugao sadiay Brgy. Multi-purpose Building, Barangay Sabang, Cabugao, Ilocos Sur idi Hunio 8, 2012. Natratar ken napagnanamingan:
- Pannakabukel ti Action Plan 2012 pang-semestral (Hunio-Disiembre) a nakaipalaonan dagiti napapateg nga aktibidad a mangpatibker ti Pederasion ken tunggal RIC.
- Updating ti Masterlist of Members ti tunggal RIC-Barangay tapno masinunuo no mano a talaga ti dagup ti miembros iti intero a Munisipalidad.
- Initial Report (P20,000) no kasano ti disposisionna iti tunggal RIC-Barangay.
- Panagrehistro ti RIC-Barangay iti BIR tapno mapaaddana ti Official Receipts (OR) ken maadalan iti Simple Record Keeping ken dadduma pay a kanaigna a mangpasayaat ti operasion ti organisasion.
Ti Federated RIC ket idauluan ni Kagawad Grenalyn Amoroso ti Barangay Carusipan ken tartarabayen ni Municipal RIC Coordinator Joenah G. Sevilleja.
Ti pannakapatibker ti asosasion ti kababa-ian ket paset ti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno makasursuroda a mangiwardas a nasayud ti gungloda ken mangprobitsar kadagiti ahensia a makatulong kadakuada nga agserbi para iti sapasap a pagkasapulanda. # (Web In-Action)
No comments:
Post a Comment