Cabugao, Ilocos Sur – Nailunsad ti Textbook Walk nga addaan ti Tema: “Sapat na Bilang ng Aklat, dulot ay karunungan sa pagkamit ng pag-unlad” kadagiti pagadalan ti ili ti Cabugao kas panangipakat ti programa ti DepEd a mangkompleto ti pagkurangan ti libro a mausar manipud Grado 1 agingga iti Grado 6 kadagiti pagadalan idi Hunio 7, 2012.Indauluan ni Public Schools District Supervisor Helen V. Siruno ti DepEd Cabugao District agraman dagiti Principal ken Head Teachers a nangisayangkat kadaytoy nga aktibidad. Nakikaysa met ni Mayor Edgardo “Ediboy” S. Cobangbang, Jr. kadaytoy a gannuat/panggep kas pangisakitna ti masakbayan dagiti agad-adal tapno makasakdoda ti sirib a pagpuonanda nga agballigi iti mapilida a pagbalinan.
Imbatad ni District Property Custodian Nestor Solatre nga adda dagiti nagkurang ti librona a pageskuelaan ken adda met ti sumagmamano a napunnuan laeng tapno makompleto ti usaren dagiti agad-adal. # (Web In-Action)
No comments:
Post a Comment