Cabugao, Ilocos Sur – Nanipud nalukatan daytoy nga institusion ti ili a Cabugao, Ilocos Sur, saan nga agressat ti mapan agpatulong ken mangipalista kadagiti annakda nga addaan ti an-annayen (disability) a nadumaduma ti rikriknaenna nga agtawen iti 0-14.Segun ken ni Ms. Jocelyn Tabboga, adda 126 a klienteda a disabled (physical, behavioral, cognitive and sensory). Naggapu dagitoy nga ubbing iti ili ti Magsingal-2; San Juan-22; Sinait-20; ken Cabugao-82 kadaytoy a panagsesion ti Tawen 2012-2013.
Mamindua ti naituding a panag-session-da iti makalawas (MW-TTH-ken WF) depende ti eskediul ti aldaw a pilienda ken bale agtultuloy ti sesionda ta saanda a ma-discharge no di malaingan ken naan-anay a matulongan dagitoy nga ubbing.
Ti STAC-Cabugao ket panggepna ti tumulong kadagiti “disabled” kas pagrangtayanda nga umagpang ti adal agingga iti elementaria. Adda iti salinong ti LGU-Cabugao nga idauluan ni Mayor Edgardo S. Cobangbang, Jr. babaen ti pannarabay ti opisina ti MSWDO nga imatonan ni MSWD Officer Mrs. Lydia S. Gazmen.
Kadua ita ni Ms. Jocelyn Tabboga, Social Worker da Ms. Mercy Sol, Physical Therapist ken Vylaine Blanca, Occupational Therapist iti pannakaasikaso dagiti ubbing a maip-ipan iti STAC-Cabugao. # (Web In-Action)
 |
| Ti ubing a narigat a makapagna ken madama ti “Therapy Session” kenkuana ni Ms. Mercy Sol, Physical Therapist ti STAC-Cabugao. |
No comments:
Post a Comment