Cabugao, Ilocos Sur – Naisayangkat ita nga aldaw, Hunio 18, 2012 ti pannakaited ti pension (2nd Quarter) dagiti nakualipikado a nataengan nga ited ti LGU-Cabugao babaen iti panangimaton ti MSWDO nga idauluan ni MSWD Officer Mrs. Lydia S. Gazmen. Nagtataripnong dagiti pension-recipients iti Cabugao Cultural and Sports Complex, Brgy. Rizal, Cabugao, Ilocos Sur.
Iti ababa a programa, impeksa ni Mayor Edgardo “Ediboy” S. Cobangbang, Jr. ti panagyamanna kadagiti nataengan iti agtultuloy a pammatida iti panagserbisio ti agdama nga administrasion a mangtultulong kadagiti nataengan iti ili ti Cabugao. Imbatad ni Mayor Ediboy a napateg dagitoy a panangtaripato kadagiti nataengan ta mapadasanto met ti agdama ita a tawtawen iti agbalin a nataengan iti masakbayan.
Ti inawat ti recipient a P1,500 (tallo a bulan) a pension ket maipaay a tulong iti pagkasapulanda iti biag iti inaldaw. # (Web In-Action)
No comments:
Post a Comment