CABUGAO, ILOCOS SUR - June, 08, 2012 - Naaramid iti maikadua a pannakaiwaras ti Oil Subsidy kadagiti maseknan a Barangay ti Ili a Cabugao iti sangao ti Cabugao Municipal Hall. Naobserbar ti panagdar-ay iti delgasion dagiti 6 a Barangay a kas sumaganad: Ti bigat-Brgy. Caellayan, Brgy. Alinaay, Brgy. Carusipan. Iti malem-Brgy. Arnap, Brgy. Cacadiran, Brgy. Nagsincaoan.
Nasapa pay adda dan a mangtaripnong daytoy a gannuat. Napasnekda a makipila sipud ti kinaadu dagiti tao, tapno maalada laeng ti pannakabagida ti Oil Subsidy a naggapu iti pundo ti RA 7171.
Iti sabali a bangir, anus met dagiti mangimatmatun daytoy a programa babaen kadagiti pannakabagi ti DA-LGU, Treasurer's Office ken ti Ama ti Ili a Cabugao ni Mayor Ediboy S. Cobangbang, Jr.
Segun ti maysa a Mannalon ti Brgy. Alinaay, daytoy a gannuat ket napateg la unay, ta makatulong iti pagkasapulan iti mannalon. Agyamanda ken Mayor Ediboy gapu ta adda manen tulong a nailunsad para kadagiti mannalon ken kadagiti motorized bangka owners.
Agtultuloy to manen iti clustered distribution of Oil Subsidy iti June, 11, 2012 aldaw ti Lunes.(Web In Action)
No comments:
Post a Comment