Cabugao, Ilocos Sur – Babaen ti pakaammo ti DA-RFO 1 iti Munisipio ti Cabugao, adda 74 (rice & Corn) a Farmer Candidates iti maangay a Rice Program/National Year of Rice (NYR) and Corn Program School on the Air Graduates ken maangay ti graduasionda idiay Baluarte, Vigan City, Ilocos Sur inton Disiembre 14, 2013.
Manamnama a kuyogen ti Municipal Agriculturist/School on-the-Air Coordinator ti DA-LGU Cabugao dagiti maseknan a mannalon a nagpartisipar kadaytoy a kaaduanna ti naggapu iti Barangay Baclig, Turod Patac, Daclapan, Nagsantaan, Sisim ken ti Dardarat nga aggraduar ken mangawat ti sertipikoda manipud iti School on- the-Air Program.
Ti pannakipaset dagiti mannalon itoy a programa babaen iti adal-agrikultura a nakausaran ti radio nga inyusuat ti OPAG-Ilocos Sur ken ti DA-RFO 1 ket mangipasimudaag iti napintas a koordinasion dagiti Farmer’s Associations iti LGU Cabugao a kangrunaan a partner ti Ahensia ti DA a mangipaay kadagiti pagsayaatan/proyekto para kadagiti mannalon iti Munisipalidad. # (Web In-Action)
No comments:
Post a Comment