Cabugao, Ilocos Sur – iti pannakiuman ti Web In-Action idi Disiembre 2, 2013, imbatad ni MSWD Officer Mrs. Lydia S. Gazmen nga agtultuloy a maiyusuat ti Supplemental Feeding Program ti Munisipio kadagiti Day Care Centers ti Munisipalidad.
Itay nabiit, simmangpet manen ti ginatang ti Munisipio a sako dagiti bagas a para iti daytoy a programa. Innayon dagiti Day Care Workers/Teachers a sayaatenda nga ipatungpal daytoy a programa tapno matulongan dagiti nagannak ken naan-anay a mapasayaat ti pisikal a saan laeng nga iti mental ken espiritual nga aspeto ti kasasaad dagiti ubbing a pakahulmaanda nga agbalin a nasayaat a makipagili.
Daytoy a programa ket gubuay ti sustenable a panangtaming ti Gobierno Munisipal nga idauluan ni Mayor Edgardo “Ediboy” S. Cobangbang, Jr., iti pannakaitandudo ti salun-at dagiti ubbing. # (Web In-Action)
No comments:
Post a Comment