Cabugao, Ilocos Sur – Naangay ti Emergency Meeting dagiti Opisiales ken Miembros ti Cabugao Vegetable Growers and Producers Association idi Disiembre 6 , 2013 iti Municipal Building, Cabugao, Ilocos Sur.Tinarawidwidan ni Mr. Armando Azcueta, Presidente, ti nasao a miting ket ingunamgunamna a tarimaanen dagiti sumublat manen tip undo iti imulada a nateng tapno saanda a malugi ket makabayadda iti nabulodda iti asosasion babaen kadagitoy a naipasublat a gatad nga ay-aywanan dagiti Opisiales ti Asosasion.
Kabayatanna, imbatad ni Mr. Azcueta a kasapulan nga agsanayda iti Vegetable Agricultyural Management (VAM) tapno makaalada ti sertipikasion ti Good Agricultural Production (GAP) a pasaporte ti agmulmula ti nateng para iti export.
Natratar pay dagiti dadduma a pakaseknan iti asosasion iti biang dagiti kameng ken iti rekord-pinansial tapno mapatibker/naurnos iti pannakaiwayat manen dagiti sumaruno a plano ken proyekto ti asosasion kadaytoy nga umay a panagnanateng iti Main Crop Season (Nobiembre 2013-Mayo 2014). # (Web In-Action)
No comments:
Post a Comment