Cabugao, Ilocos Sur – Maikadua a bulanen ti napalabas manipud iti panagoperar ti Luzon Green Art Technology, Inc. iti Disiembre 2, 2013 ket naballigi ti panagoperar ti lugan nga agbunag iti basura iti nadumaduma a service area ken eskediul ti panagbunag segun iti pamanunotan ti MENRO Cabugao.
Segun ken ni MENRO Edgar S. Balangatan, AT nga agtultuloy latta ti koordinasion ken monitoring ti operasion ti lugan ken dagiti matrabaho iti uneg ti Ecology Center a disso dagiti pasilidad ti kompania.
Innayon ni Mr. Balangatan a babaen iti naanus a pannakikammayet ti pribado a kompania kadagiti Opisiales ti Barangay a maseknan iti pannakabunag iti basurada ket makatulongda unay a mangimpormar ken mangsursuro kadagiti lumugar a mamaglasin iti basura tapno sistematiko iti pannakaipatungpal dagiti trabaho a napagnumuan ti LGU Cabugao ken ti LGA Tech., Inc. a sinaguday ti MOA. # (Web In-Action)
No comments:
Post a Comment