Cabugao, Ilocos Sur – Simmangbay dagiti pannakabagi ti Philippine Fisheries Development Authority, Department of Agriculture (DA) babaen iti pannakikammayyetda iti BFAR Region 1 tapno agkalapda kadagiti maikanatad a datos para iti mabukel a Masterplan for the Establishment of Fishery Post-harvest Facilities and Infrastructures a gubuayen ti Philippine Fisheries Code, AFMA ken Local Government Code.
Sakbayna, nag-courtesy call ti Survey Team ken ni Mayor Edgardo S. Cobangbang, Jr. sakbay a rinugianda ti nakikoordinar kadagiti Opisiales ti Fisherfolks Associations iti Munisipalidad ken nangbisita kadagiti mainaig a pasilidad ti Munisipio iti pakaseknan ti programa iti pagikanan. Nangrugi ti Survey idi Nobiembre 28 agingga iti Disiembre 1, 2013.
Daytoy nga aktibidad ket parte ti programa ti BFAR a kapart-ner ti LGU-Cabugao iti panangsukisok kadagiti maikanatad a programa a mangpasayaat pay iti kasasaad dagiti mangngalap. # (Web In-Action)
No comments:
Post a Comment