Cabugao, Ilocos Sur – Maibatay iti report nga imparuar ti DA-LGU Cabugao iti panangidaulo ni Mrs. Zenaida S. Andrada, Municipal Agriculturist ken babaen iti agtultuloy a panagmonitor dagiti Fieldmen AT’s iti Departamentona, uppat dagiti kangrunaan ita a klase ti produkto a naimula iti Main Crop 2013-2014 (Nobiembre-Mayo).
Dagitoy ket dagiti Tabako, Pagay, Nateng, Mais ken Sandia.
Innayon ni Mr. Nereo S. Daproza, Municipal Rice Program Coordinator a nupay 172 ektarias laeng iti namulaan ti pagay ket nasupusopan met iti 205 ektarias a namulaan ti mais (puraw ken amarilio). Insupusop ni Mr. Daproza nga adda met 100 ektarias a namulaan ti Sandia ken lima ektaria ti naapitanen ta naisapada ti nagmula kadagiti nasig-atan a paset ti pagtatalonan.
Dagitoy a tignay dagiti mannalon ket makatulong a mangallangon iti nakaarusanda iti apit iti Sektor ti Agrikultura ket agtultuloy latta met ti panangtarabay ti LGU Cabugao nga idauluan ni Mayor Edgardo “Ediboy” S. Cobangbang, Jr. a mangitandudo kadagiti pagsayaatan a para kadagiti mannalon iti Munisipalidad. # (Web Situational Report)
No comments:
Post a Comment