Tuesday, December 10, 2013

AKSION AGAD TI OPLAN DALUS

Cabugao, Ilocos Sur – Iti pannakiuman ti Web In-Action idi Disiembre 9, 2013, imbatad ni MENRO Edgar S. Balangatan, AT a madagdagus a nagaksion dagiti kaaduan a Kapitanes ti Barangay iti pannakadalus dagiti kalsadada, pampubliko a pasilidades iti barangay ken mabatoganda a National Highway ken Provincial Highway.

Innayon ni MENRO Balangatan nga umabot ti 60% iti dagup ti barangay a nag-general cleaning iti unos ti dua nga aldaw manipud naimpormaran ti Opisinana dagiti barbarangay maipapan kadaytoy nga aktibidad.

Insupusop ni MENRO Balangatan a dagitoy nga aksion ken inisiatiba ket gubuay iti nasayud a programa ti Clean and Green ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno agtultuloy a napintas a buyaen iti aglawlaw ken panamagsagana iti panagselebrar dagiti Cabugaoenios iti Paskua 2013. # (Web In-Action)

No comments:

Post a Comment