Cabugao, Ilocos Sur – Iti pannaki-amad ti Web In-Action idi Disiembre 4, 2013, imbatad dagiti Personnel ti LGU Cabugao a naidestino iti Motorpool Section ti Munisipio a kankanayon a mamantener ti uneg ken ti aglawlaw ti Motorpool ti LGU-Cabugao.
Innayon ni Mr. Chester Mark Cobangbang, Caretaker, a malaksid ti ti inaldaw a pannakadalus daytoy a pasilidad ti Munisipio, nasigo pay ti panangmonitorda Iti iruruar ken iseserrek dagiti heavy equipments ken behikulo ti Munisipio ken pannakamonitor ti inaldaw a kasasaadda. Insupusop pay ni Mr. Cobangbang a regular pay a maar-aramid ti imbentario dagiti materiales ken makina tapno mayataday iti aramidenda a kasapulan a report maipapan iti update daytoy a sanga ti LGU Cabugao.
Mangnamnamada nga iti pannakaited ti naan-anay a pannakamantener dagiti makinaria ken kanaigna a ramit ti Munisipio iti Motorpool ket makomplementaran ti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakaipaay ti napintas a serbisio iti makinaria kadagiti pagkasapulan dagiti barangay ken dagiti umili. # (Web In-Action)
No comments:
Post a Comment