BARO NGA ARKO TI BRGY. BONIFACIO, PROYEKTO A NAIPATAKDER

Cabugao, Ilocos Sur – Iti pannaki-amad ti Web In-Action idi  Agosto 5,  2015, imbaga  ni Brgy. Captain Valentin S. Tuyor, Jr.  a manaynayonan latta dagiti gapuananda ken kadagiti kameng ti Konseho-da (proyekto/aktibidad)  gapu iti  agtultuloy a pannakikammayetda iti LGU-Cabugao   kas iti Clean and Green Program (tumulongda iti panagdalus ti National Highway, panagdalus kadagiti Canal Creek ken  Drainage Canal)  ken naragsakda iti agtultuloy a panagkampeonda iti benneg ti  Solid Waste Management Program, pannakaaramid ti slope protection iti  agsumbangir iti canal creek,    dredging dagiti creek canal iti masakupan ti barangay, pannakapasayaat dagiti proyektoda iti Environmental Management Program kas iti Herbary, Material Recovery Facility (MRF), Nursery, Backyard Gardening, Compost Pit ken iti pannakaidalimanek ti basura babaen iti nagkammayet a programa ti barangay ken ti LGU-LGA Tech. Inc.  iti Solid Waste Management Program.

Kangrunaan a proyekto ti Brgy. Bonifacio a tinulongan ti LGU-Cabugao  ket dagiti naaramid a covered canal, nasilpuan a waterlines iti Brgy. Bonifacio-Turod Patac, pannakaipatakder ti Streetlights ken LED Lights iti Kalsada ken Processional Route ti barangay ken iti Slope Protection ti agsumbangir a paset ti Gabriela Silang Road ti barangay. 

Maysa pay a proyekto ket iti naipatakder a  Covered Court with Fiberglass  Basketball Court nga inlungalong ti Barangay Council ken ti  LGU-Cabugao ken ni Gobernador Ryan Luis V. Singson a pakaaang-angayan ti dadakkel a paliga/pagsansanayan ti DepED-Cabugao ken DepED-Ilocos Sur kangrunaan iti sport events ti Basketball ken Lawn Tennis.

Kabarbaro ita a proyekto ti Barangay Bonifacio ket iti Arko a naipatakder iti ruangan no mapanka iti compound ti B arangay Hall-da iti igid ti National Highway. Indonar da Ernesto Campos, Sr. ken ni Mardonia Campos  ken  patubo isuda  iti nasao a barangay.

Impeksa ni Kapitan  Valentin S. Tuyor, Jr.  iti nalaus a panagyamanda a kaduana ti Konseho ti Barangay ken  pakairamanan dagiti kalugaranda iti Pamilia Campos kadaytoy a kalkalpas a proyektoda. # (Web In-Action)