Wednesday, August 5, 2015

BLESSING KEN INAUGURATION TI MPS BUILDING, NASANGAILI NI GOVERNOR RYAN

Cabugao, Ilocos Sur – Naangay ti B lessing and Cutting of Ribbon ti pannakaisibro ti baro a pasdek ti Municipal Police Station (MPS) Building a naipasdek  iti amianan ti NISTC Public Market iti Agosto 5, 2015  a no sadino a ditoy ket dinar-ayan dagiti Opisiales ken kameng ti PNP-Cabugao, Provincial ken Region, Kakapitanes ti 33 a Barangay, Department/Section  Heads ken Empleado ti Munisipio,  Sangguniang Bayan Members ken dagiti Opisiales ti LGU-Cabugao ken Gobierno Probinsial nga indauluan da Mayor Edgardo “Ediboy” S. Cobangbang, Jr. ken ni Governor Ryan Luis V. Singson agraman  ni Vice Governor DV Savellano. 


Sakbayna, immuna a naangay ti Nasantuan a Misa babaen ti panangannong ni Rev. Fr. Felix Costales sa naisaruno ti Cutting of Ribbon ket binayabay da  Mayor Ediboy ken ni Vice Mayor DJ da  Governor Ryan, Vice Governor DV, PNP Provincial Director Nestor E.  Felix ken ni Police Chief Inspector George R. Marca iti PNP Region 1  iti pannakagetteng ti laso iti pannakaisibro ti nasao a pasdek.
  
Simmaruno ti pannakabendision ti 3-Storey Building ket binayabay ti amin  a nagatendar ni Fr. Felix a nangbendision iti tunggal paset ti tres-grado a pasdek. Naisaganad ti   pannakailukais dagiti Wall Markers iti MPS Building babaen met laeng kadagiti nadakamat nga Opisiales nga idauluan da Governor Ryan ken ni Mayor Ediboy.

Simmaganad  ti pannakabendision ti baro a PNP Patrol Jeep ken ti Motorsiklo babaen met laeng ken ni Rev. Fr. Felix Costales, Parish Priest, Cabugao Catholic Church.


Iti Program Proper, nangited ti Welcome Address ni  Mayor Edgardo “Ediboy” S. Cobangbang, Jr. Kimmablaaw ken nagyaman iti amin a timmabuno iti daytoy a  seremonia. Dinakamat ti Ama ti Ili ni PNP PCI George R. Marca iti PNP Regional Office a nakatulong iti pannakapaadda ti nasao a pasdek ken babaen pay iti tulong ti Gobierno Probinsial nga idauluan da Governor Ryan ken ni Vice Gov. DV. 

Pinagyamanan pay ni Mayor Ediboy  ni Fr. Felix a nangbendision iti pannakaisibro ti MPS Building.

“Job well done!” kinuna ni Mayor Ediboy  iti PNP-Cabugao nangruna iti pannakaisagana daytoy nga inaugurasion iti napintas a pasdek. 

Simmaganad ti Introduction of the Guest of Honor and Speaker b abaen ken ni PSINSP Ramil Aquino Llarenas.


Nangited ti Mensahena ni Governor Ryan ket kimmablaaw ken nagyaman kadagiti umili ti Cabugao a kunana  nga inspirasionna nga agserserbi  nga idauluan da Mayor Ediboy ken ni  Vice Mayor DJ, ni Vice Gov. DV, PNP Officials; Kakapitanes ti barangay a nagatendar, Opisiales ti LGU-Cabugao ken dagiti kameng ti Konseho Munisipal. Impeksa ni Gov. Ryan iti panangbigbigna iti napardas a panagprogreso ti ili ken iti agtultuloy a pannakibinnadangda kadagiti gannuat ti Gobernador ket kunana nga agbalin koma nga inspirasion dagiti mangtengtengel ti linak ken talna iti pannakaited ti napintas a pagyananda ken pagkamangan dagiti umili.

“Congratulations-kayo amin!’ kinuna ni Governor Ryan.

Naaramid ti Presentation and Awarding of Plaque of Appreciation ket nagdadanggay da Governor Ryan, Vice Gov. DV, Mayor Ediboy, Vice Mayor DJ, PD Felix ken ni COP Llarenas a nangiyawat ti Plake kada Governor Ryan ken ni PCI George R. Marca ti PNP Region 1.

Nagpaay a Master of Ceremonies da PSI Neil Bustillo Olsim ken ni SPO2 Bernadette Aquino. # (Web In-Action)


No comments:

Post a Comment