Cabugao, Ilocos Sur – Kalpasan ti Flag Raising Ceremony, naangay ti B lessing and Cutting of Ribbon ti pannakaisibro ti baro a pasdek ti Cecilia T. Flores Memorial Dental Clinic a naipasdek iti abay ti Cabugao Lying-in Center iti Agosto 17, 2015 a no sadino a ditoy ket dinar-ayan dagiti Opisiales ti ili, Pamilia-Flores, umili ti Cabugao ken ti Pamilia-LGU indauluan da Mayor Edgardo “Ediboy” S. Cobangbang, Jr. ken ni Vice Mayor DJ Savellano.
Kalpasan ti Flag Raising Ceremony, immuna a naangay ti Cutting of the Ribbon ket nagbuligan da Ret. Judge Efren S. Ubungen ken ni Mayor Ediboy a ginetteng ti ribbon iti imatang ti kaaduan ken ti Pamilia Flores nga imbagian da Ms. Phoebe Sol Flores ken ni Ms. Fe Marie F. Valdez. Kalpasanna, kinararagan ni Rev. Fr. Felix Costales iti pannakaidaton ti baro a klinika ken binayabay da Mayor Ediboy ken ni Vice Mayor DJ ni Fr. Felix agraman iti kaaduaniti pannakabendision iti uneg ti pasdek.
Iti panagsarita ni Judge Ubungen iti ikmatang ti kaaduan, kimmablaaw ken nagyaman ta adda baro a napatkder a dental clinic a mangserbisio kadagiti umili ti Cabugao. Dinakamatna ti pateg ti serbisio-dental a makatulong iti salun-at ket inawisna dagiti umili a mangtagiben kadaytoy a naited a pagsayaatan ti kaaduan.
Impeksa ni Mayor Edgardo “Ediboy” S. Cobangbang, Jr. iti naan-anay a panagyamanna iti Pamilia-Flores kadaytoy a naited a proyekto ditoy Cabugao ken iti panangbendision ni Rev. Fr. Felix Costales. Kimmablaaw ken nagyaman iti amin a timmabuno iti daytoy a seremonia. Dinakamat ti Ama ti Ili iti napintas nga ibunga ti nasayaat nga intension ken pannakisarsarita ket babaen iti napudno a serbisio ket di agressat ti isasangpet dagiti donasion a pakakitaan iti di agressat a panagtalekda kadagiti kakailian iti ballasiw-taaw. Insupusop ni Mayor Ediboy nga adda manen sumarsaruno a proyekto a pangserbisio-medikal nga idonar ti maysa a Pamilia ditoy Cabugao para iti pagsayaatan ti kaaduan. # (Web In-Action)
No comments:
Post a Comment