Cabugao, Ilocos Sur – Maangay ti 2-Day Roll-out Folkdance Workshop dagiti pannakabagi ti amin nga Elementary/Primary School ti ili a Cabugao, Ilocos Sur iti Agosto 13-14, 2015 iti Cabugao Cultural and Sports Complex, Brgy. Rizal, Cabugao, Ilocos Sur.Umabot ti 148 ti bilang dagiti agsanay (by partner) iti 26 a pageskuelaan (24 nga Elementaria ken 2 a Primaria) iti intero a Cabugao DepED District. Nakiraman met iti Opening Program dagiti Principal ken Head Teachers nga indauluan ni Dr. Consesa T. Rumias, Ed. D, Public Schools District Supervisor.
Iti Day 1, Agosto 13, 2015, naaramid ti Opening Program. Nag-Welcome Address ni Mrs. Estrellita M. Siruno, Principal II ken binagi ni Mr. Benjamin Garcia iti Presentation of Participants.
Nangipay ti Mensahe ni Mayor Edgardo “Ediboy” S. Cobangbang, Jr. Kimmablaaw ken nagyaman ni Mayor Ediboy iti amin a nagpartisipar iti panagsanay ken dagiti dadaulo ti Cabugao DepED District nga idauluan ni Dr. Consesa T. Rumias, Ed. D, Public Schools District Supervisor.
Anag ti Mensahe ti Ama ti Ili iti agtultuloy a suporta ti Munisipio kadagiti aktibidad ken programa ti DepED a mangidur-as iti kasasaad dagiti agad-adal nga ubbing ta agbalindanto a responsable nga umili ken silulukat dagiti pasilidad ti Munisipio nga usaren dagiti maseknan nga agsanay.
Simmaruno a nagsarita ni Dr. Consesa T. Rumias, Ed. D, Public Schools District Supervisor. Kimmablaaw ken nagyaman iti pannakikammayet ti LGU-Cabugao nga idauluan ni Mayor Ediboy kadagiti programa ti DepED. Ninamnamana nga agballigi daytoy a dua nga aldaw a panagsanay dagiti Teachers ket mayallatiwdanto a pagsayaatan met dagiti agad-adal.
Binagi ni Mr. Ronel M. Ubaldo, MAPEH (Music, Arts, Physical Education and Health) Coordinator iti Orientation and Presentatation of Trainers. Nagpaay nga Emcee ni Mrs. Odette V. Somera, Teacher III ti Cabugao South CS. # (Web In-Action)
No comments:
Post a Comment