Cabugao, Ilocos Sur – Narambakan ti Agriculture Day kas pakauna nga aldaw ti Ragsak Cabugao Festival 2018 a naangay iti Abril 22, 2018 iti panagpiesta ti ili a Cabugao, Ilocos Sur iti Abril 22-25, 2018.
Immuna a naaramid ti Parada iti aglikmut ti Poblasion a nangrugi iti Cabugao Institute Quadrangle ken nagtungpal iti Cabugao Central Park (CCP), Brgy. Bonifacio, Cabugao, Ilocos Sur.
Iti Parada, immuna ti Mobile Patrol Car ti Municipal Police Station-Cabugao sa iti Grand Marshall; Festival Banner; Colors sa iti Imahen ni San Markos Ebanghelista a Patron ti Ili a binayabay dagiti Parishioners ken dagiti Opisiales ti LGU Cabugao nga idauluan ni Mayor Josh Edward S. Cobangbang.
Nakikaysa met ti BFP-Cabugao ket natinggaw ti Sisim NHS Drum Beaters a kumkumpasan dagiti nagparada manipud iti LGU-Department/Office Heads and Employees (CabMEA), Job Orders, NDPs, SPES, Balikbayan ken Festival Sponsors.
Nakipaset met dagiti DepED Official/School Heads ti Cabugao DepED District iti Benneg ti Edukasion; Faculty ken Staff ti Pribado a pagadalan agraman metten dagiti National High Schools iti ili.
Nakipaset pay iti parada dagiti nagduduma a Non-Government Organizations (NGOs); Peoples Organizations ken Cooperatives iti ili kasta metten iti dadduma a Civic Organization/Fraternities kas iti Samahang Ilokano; United Ilocandia; ken iti APO International.
Nakipaset pay dagiti lending organizations a kas iti Fatima Coop; Suyo MPC Coop ken iti Nueva Segovia Consortium of Cooperatives.
Dadduma pay a nakipaset iti Parada ket iti Cabugao Badminton Club; Cabugao Taekwondo Association; CISTODAI; Cabugao Cycling Club; STAC; AFP Retirees of Northern Ilocos Sur-Cabugao Chapter; Cabugao Muslim Traders Association; NISTC Stall Holders; ken dadduma pay a Section ti Tiendaan ti NISTC.
Simmaruno dagiti 33 a barangays a nadibidir iti 6 a Cluster a nakabuklanda dagiti kameng ti Barangay Council; Farmers Association-Fishermen Association; RIC; BNS; BHWs; 4-Ps; Youth Organization, 4-H Club, ken Cooperatives ken dadduma pay a Barangay-based Organizations kadagita a barangay. Nakikaysa met dagiti Marching Band dagiti pageskuelaan ti ili a Cabugao a naiwaras kadagiti Clustering barangays.
Kabayatanna, naurnos ti trapiko babaen iti panangiwardas/panangtarabay dagiti Polis; Cabugao Elite Riders Club; Public Safety Officer; RHU Medics ken dagiti mangbukel iti Cabugao Rescue.
Naaramid pay ti pannakalukat ti Trade Fair babaen iti pannakaidispley dagiti nagduduma a produkto dagiti Exhibitors. Ginetteng da Mayor Josh Edward S. Cobangbang ken ni Engr. Yolando Quiocho, Opisial ti DTI-Vigan City iti ribbon iti pannakalukat iti nadakamat nga trade fair exhibit.
Malaksid iti pannakahusgar dagiti mangabak kadagiti naipakita a produkto ket naangay pay ti pakontes iti Fiesta Gas iti maipapan iti panaglutuan.
Napnuan ragsak dagiti nakiparada/nakipartisipar a nangsango kadagiti dadduma pay a pagrebbengan/aramidenda iti panagtultuloy ti mabuya iti dayta nga umuna nga aldaw ti Piesta nangruna iti naaramid a Boodle Fight iti salinong dagiti Tents ti LGU-Cabugao iti pangngaldaw.
Nakikaysa met ni Vice Mayor DJ Savellano agraman dagiti Konsehales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Randy Baniaga G. Kinaud; SBM Atty. Bryan Jett S. Pano; SBM Josefina S. Vallejo; SBM Dodgie S. Santella ken ni ABC President Thaddeus U. Soller iti aktibidad iti umuna nga aldaw ti piesta.
Nagpaay a Festival Sponsors ti Fiesta Gas; CJ Feeds-5 J Agriventures; SL Agritech; Humus Plus; Monsanto Corporation; Cabugao Mango Farmers Multi-purpose Association; Bonsai-Provincial Jail ken ti New Cabugao Onion-Garlic Association.
Nagpaay nga Announcer ti aktibidad ti Piesta da Mr. Arvin Manauis ken ni Mr. Kervin Somera, agpada nga Staff iti Office of the Mayor ti Cabugao. # (Web In-Action)
No comments:
Post a Comment