Cabugao, Ilocos Sur – Naangay ti Mayor’s Night ditoy ili a Cabugao, Ilocos Sur iti Cabugao Cultural and Sports Complex, Barangay Rizal, Cabugao, Ilocos Sur idi Abril 13, 2018 a kas aktibidad a panagkikinnammayet dagiti Opisiales ti LGU-Cabugao; Delegado ti DepED kadagiti Probinsia ti Region 2 a pakairamanan metten dagiti DepED Officials ti Ilocos Norte nga indauluan ni Ms. Vilma Eda, Provincial Schools Division Superintendent.
Iti Mensahe ni Mayor Josh Edward S. Cobangbang, kimmablaaw kadagiti Delegado iti pannakaipaay kadakuada iti Billeting dagiti tallo a pageskuelaan ti ili ti Cabugao a kas pannakipasetna iti Nasional a Pakompetision ket kinomendaranna iti napintas a pannakikaysada iti Gobierno Lokal a tumulong iti mapasamak a Palarong Pambansa 2018 a daytoy ti nakaumayanda ditoy Ilocos Sur.
“Good luck kadakayo amin agraman kadagiti Atleta a makisalip!” kinuna ni Mayor Josh Edward.
Nangipaay met ti Mensahe da Dr. Consesa T. Rumias, Ed. D., Public Schools District Supervisor ti ili a Cabugao; Ms. Vilma Eda, Provincial Schools Division Superintendent ti Ilocos Norte; SPM Constante Oandasan a nangibagi ken ni Governor Ryan Luis V. Singson; Ti Assistant Regional Director ti DepED Region 2 a nangibagi ken ni OIC DepED Regional Director Estela Carino kasta metten ken ni Miss Maria L. Rondon, Principal, Cabugao Institute a nangipaay ti Closing Remarks.
Anag ti mensaheda iti panangdayawda iti kinagaget ken kinamanagsangaili ti Taga-Cabugao ken napnuan panagdayaw, panagyaman ken panangipeksada iti nalaus a ragsakda iti Gobierno Lokal ti ili a Cabugao, Ilocos Sur iti suporta ken pannakikaysana iti pannakaangay iti Palarong Pambansa 2018 ditoy Ilocos Sur a daytoy ti nakaigapuan iti kaaddada ditoy nga ili.
Napadayawan ken nabigbig met iti ray-aw ken ragsak nga impaay ti Cabugao District Teachers Chorale ken iti Cabugao District Teachers Dance Troupe kadagiti kanta ken salada a nakaisarmingan dagiti kultura ditoy nga ili.
Nangipaay met iti Intermission Number (Sala) dagiti Delegado ti Region 2.
Dagiti Delegado ket isuda ti nangbukel iti Cagayan Valley Regional Athletic Associon (CAVRAA) a naggapu iti siam nga Schools Division Offices (SDOs) ti Rehion Uno a kas iti SDO Batanes; SDO Cagayan: SDO Tuguegarao City; SDO Isabela; SDO Ilagan City; SDO Cauayan City; SDO Santiago City; SDO Quirino; ken SDO Nueva Vizcaya ket naipaay a Billeting Schools-da dagiti Pasdek ken Pasilidad ti Cabugao South Central School, Bry. Bonifacio, Cabugao, Ilocos Sur; Cabugao North Central School, Brgy. Rizal, Cabugao, Ilocos Sur ken iti Cabugao Institute, Barangay Bonifacio, Cabugao, Ilocos Sur.
Sakbayna, dimteng ti Delegasion ti Region 2 idi Abril 7, 2018 ditoy ili ti Cabugao ket naituding iti panagsanayda sakbayna iti para iti kompetision ti Palarong Pambansa 2018 a maangay iti Abril 15-21, 2018 a sadiay Quirino Stadium, Bantay, Ilocos Sur.
Indauluan da Mayor Josh Edward S. Cobangbang ken dagiti Opisiales ti Ili nga isuda SBM Danny Q. Gazmen; SBM Vicky S. Serna; SBM Josefina S. Vallejo ken ni ABC President Thaddeus U. Soller agraman dagiti LGU Personnel a nangpasangbay ken nangsangaili kadagiti nadakamat a Delegado iti dayta a Mayor’s Night. # (Web In-Action)
No comments:
Post a Comment