Cabugao, Ilocos Sur – Sinelebraran ti Cabugao Federated 4-H Club ti “Cabugao 4-H Club Achievement Day” babaen iti Tema: “LOVE.FARM.LIVE 4-H Towards Farm Tourism” idi Abril 15, 2018 iti Barangay Hall Building, Cabugao, Ilocos Sur babaen iti panagtitipon dagiti Opisiales/Kameng ti 4-H Club iti nadumaduma a barangay ti ili a Cabugao, Ilocos Sur.
Daytoy a programa ket parte ti Action Plan ti 4-H Club a mangaramid kadagiti aktibidad a mangpapigsa ti panagkakaduada nga agtutubo babaen iti naangay a pakontes iti Plaque Making; Edible Dish Gardening; Singing Contest (OPM); Extemporaneous Speaking; Innovative Farm Tourism Layout Making; Food Processing & Packaging (Oyster Mushroom); 4-H Quiz Bee.
Nagpaay a Hurado da Ms. Namkeen Soller Hameed; Mr. Jim Christian Castro; ken ni Mr. Dario Roy Siruno ken timmulong met dagiti pannakabagi ti DA-LGU Cabugao nga isuda Arceli Antonnete S. Racho ken ni Ms. Melanie P. Saquiton.
Panglukat a sarita ti binagi ni Brgy. Captain Valentin S. Tuyor, Jr. Kimmablaaw ken nagyaman ti Ama ti Barangay ket impeksana ti suportana kadagiti agdama a programa ken proyekto ti 4-H Club a mangpasayaat ti kasasaadda nga out-of-school youth.
Nagsarita met ni Mr. Obas Bill Y. Baclig, AT, Municipal 4-H Club Coordinator. Pinabilegna dagiti agtutubo nga aggaggagetda a mangipatungpal kadagiti panangi kalikagum ti LGU-Cabugao a mangpasayaat iti kasasaadda a kas naresponsable nga umili.
Ni Mr. Gerald Blando S. Tuyor, ti agdama a Presidente iti Cabugao Federated 4-H Club. # (Web In-Action)
No comments:
Post a Comment