Cabugao, Ilocos Sur – Naaramid ti panag-Lakbay Palay dagiti mannalon iti Barangay Aragan a kanayonan ti panagadalda iti Farmers Field School (FFS) nga inggannuat ti Department of Agriculture (DA) ken iti Philippine Rice Research Institute (Philrice)ken tinarabay dagiti Staff ti DA-LGU Cabugao nga idauluan ni Municipal Agriculturist Robert S. Savellla idi Abril 4, 2018.
Ti PhilRice’s 2018 Dry Season Lakbay Palay ket maipatpatungpal iti semi-annual field day tapno mapakaammuan dagiti mannalon ken dadduma nga stakeholders iti damag maipapan iti kabaruanan a teknolohia a resulta iti partnership ti PhilRice iti tay-ak ti panagsukisok ken panangpasayaat iti pamagayan. Dagiti kangrunaan a maaramid ket iti field tour; technology demonstration; open forum ken exhibits.
Pinasiar ken nagobserbar dagiti nag-Lakbay Palay dagiti disso a pakasarakan ti pasilidad ti agrikultura iti Philrice ken iti Science City of Munoz, Nueva Ecija.
Imbatad ni Mr. Obas Bill Y. Baclig, AT, FFS Facilitator agraman 31 a kakaduana a namsek iti padas ken nanayonan iti nasursuro dagiti mannalon iti daytoy nga educational tour-da ket impeksada amin iti panagyamanda iti agtultuloy a suporta ti LGU-Cabugao ken dagiti kakammayetna nga Ahensia kadagitoy nga oportunidad a naited ken nagun-od dagiti mannalon a mangnayon iti kalidad dagiti naadalda. # (Web In-Action)
No comments:
Post a Comment