Tuesday, April 10, 2018

NAGSANGPET DAGITI DELEGADO TI REGION 2 DITOY ILI A CABUGAO

Cabugao, Ilocos Sur – Nakasagana  ti nagtarusan (Billeting Quarters) dagiti Delegado iti Cagayan Valley Regional Athletic Associon (CAVRAA) a buklen dagiti Opisiales; Atleta; Bisita  ken Coaches a naggapu iti siam nga Schools Division Offices (SDOs) ti Rehion Uno a  kas iti SDO Batanes; SDO Cagayan: SDO Tuguegarao City; SDO Isabela; SDO Ilagan City; SDO Cauayan City; SDO Santiago City; SDO Quirino; ken SDO Nueva Vizcaya ket naipaay a Quarters-da dagiti Pasdek ken Pasilidad ti Cabugao South Central School, Bry. Bonifacio,  Cabugao, Ilocos Sur; Cabugao North Central School, Brgy. Rizal, Cabugao, Ilocos Sur ken iti Cabugao Institute, Barangay Bonifacio, Cabugao, Ilocos Sur. 

Simmangpet ti Delegasion ti Region 2 idi Abril 7, 2018 ket  naituding iti panagsanayda sakbayna iti  para iti kompetision ti Palarong Pambansa 2018 inton Abril 15-21, 2018 a maangay idiay Quirino Stadium, Bantay, Ilocos Sur. Buklen dagiti Altleta iti Elementaria ken Sekundaria agraman iti Junior ken Senior High Schools (Grade 11 ken Grade 12) iti  benneg iti pageskuelaan kadagiti nadakamat a Probinsia ken SDOs.

Sakbay daytoy, naaramid ti General Assembly Meeting ti Parent-Teachers Association ti Cabugao South Central School para iti Clean-up Drive iti uneg ken aglawlaw ti masakupan ti eskuela ken ti  Cabugao Athletic Oval tapno naan-anay a maisagana iti nasao a pasilidad a maysa a disso a pagsanayan ken (Camp Base) iti panagensayo dagiti atleta.

Kanaig daytoy, agtigtignay dagiti kameng ti BPATS/Barangay Tanod dagiti Barangay ti ili ket adda naituding nga eskediul iti panagbantayda babaen iti panangiwardas ti Kapolisan (Municipal Police Station) nangruna iti Trapiko a pakaseknan tapno maprotektaran dagiti bisita.

Agtigtignay met ti MDRRMC nga idauluan ni Mayor Josh Edward S. Cobangbang  ken babaen iti panangimaton ni LDRRMC Officer Engr. Nestor B. Somera iti pannakamonitor ti napintas a kasasaad dagiti Atleta, Opisiales ti DepED  ken Coaches ti 9 nga SDOs a mangbukel iti lima a Probinsia iti Region 2. # (Web In-Action)

No comments:

Post a Comment