Cabugao, Ilocos Sur – Napunno ti ragsak ken segga iti Cabugao Central Park Multipurpose Pavement iti pannakarambak ti Administration/Liga ng mga Barangay/Balik-Cabugao Night idi Abril 25, 2018 a nagpartisiparan dagiti Municipal Officials nga idauluan ni Mayor Josh Edward S. Cobangbang; Pamilia-LGU; Kakapitanes ti 33 a Barangay nga indauluan ni ABC President Thaddeus “Teddy” U. Soller ken dagiti Opisiales ti nadumaduma nga Asosasion a naka-base kadagiti barangay; NGAs; Peoples Organization; Bisita ken umili iti Cabugao ken Balikbayans.
 |
| CLICK HERE TO VIEW MORE PHOTOS |
Pinarungbo dagiti makapikapik a Musika nga impatayab ti Sponge Cola Band ket naalibtak ken naregta dagiti umili a nangipakita iti laingda a mangkumpas kadagiti nagduduma a maibaga a paaramid ti lead man ti Sponge Cola ken Banda.
Kabayatanna, naibaet iti pannakaited ti pammadayaw ken premio dagiti nangabak iti pasalip ti panagluto nga inggannuat ti Fiesta Gas ditoy Cabugao idi Abril 22, 2018. Indauluan ni Mayor Josh Edward S. Cobangbang dagiti Konsehales ti ili a nangiyawat ti Premio iti Cluster 4 Barangays a nagballigi iti daytoy a pakontes.
Naisaruno a naiwaragawag dagiti nangabak a barangay babaen iti cluster iti kalkalpas a Night Float Parade Contest iti Abril 25, 2018 a nakaawatanda iti dadakel a premio.
Naray-aw met iti sapasap iti panagpabuya ni Ronie Alonte sa naisaruno iti Fireworks a nangpangayed iti panagleppas ti 4-Day Fiesta ti ili. # (Web In-Action)
No comments:
Post a Comment