Cabugao, Ilocos Sur – Iti pannaki-amad ti Web In-Action, imbatad dagiti Coaches a naballigi a nalpas ti Elimination Round babaen iti Round Robin kadagiti nagsasalip a Team iti Cabugao Inter-Barangay Basketball Tournament 2018. Maar-aramid ita ti Quarterfinals a pagsalipan ti Magic 12 a Team sakbay ti Semi-Finals a paglalabanan ti uppat a maarisit a Team a sumrek iti Best of Three iti masanguanan nga aldaw.
Buklen ti 2 a Bracket dagiti 12 a Team a sag-iinnem a maaw-awagan iti Team A ken Team B.
Kas iti gagangay, innayon dagiti napagdamagan a naregget latta dagiti Basketball Cheerers ken Sympathizers, agindeg kadayta a barangay agraman dagiti Opisiales dagiti barangayda a mangtartarabay/mangsursurot kadagiti Players-da nga agensayo ken makidangadang iti basketball iti Cabugao Cultural and Sports Complex a pakaang-angayan dagiti naka-schedule a Games iti minalem nangrugi idi Abril 10, 2018 agingga iti Abril 20, 2018.
Segun iti kaaduan a mapan agbuybuya, imbatadda nga agtultuloy a naurnos ken natalna iti mapaspasamak a sinnalip maigapu iti naipakpakauna a pannakaannurot ti sportsmanship ken disiplina iti tunggal Player para iti daytoy a kangrunaan a summer sport a pangparagsak iti Cabugao Ragsak Festival 2018. # (Web Situational Report)
No comments:
Post a Comment