Cabugao, Ilocos Sur – Naaramid ti Grand Final ti Cabugao Birit Quest 2018 iti karabiyan ti Abril 22, 2018 iti Cabugao Central Park (CCP) Auditorium a no sadino a ditoy ket awan iti itiitan iti basement iti adu nga umili ken sangaili a nagbuya iti maudi a pakaarisitan ti pagpuestuan dagiti nabatbati a lima a nakalasat iti Final Elimination sakbayna.
Nagpaay a Host da Ms. Odette V. Somera ken ni Mr. Dharen Jake R. Garcia.
Kalpasan ti umuna a rikus a panagkanta dagiti lima a Contenders: Johnny Seguro, Jr.; Freddie Barba; Manuelito Amor; Shanelle Figueras; ken ni Kaye Denise Somera ket naiparang ni Celebrity Guest Sofia Andres a nangraw-aw ken nangliwliwa iti reprep a nagbuya iti CCP.
Naisaganad a dagus ti Second ken Final Round ket naibaet manen iti panagpabuya dagiti dadduma a Celebrity Guests a kas kada Lassy ken ni Jennie Gabriel ken naudi ni Nash Aguas a nangparagsak iti rikna dagiti adu a nagbuya.
Nangipaay met iti Intermisssion Number (Sala) iti RIC-Brgy. Turod ken iti Cabugao 4-H Club Federation a naibaet iti tunggal rikus.
Nakitinnulong dagiti 4 a nag-Hurado: Jocelyn Lamadrid; Meynard Castro; Brucelee Paragas ken ni Jamaila Soller a nagiyawat kadagiti Premio (Cash ken Tropeo) kadagiti tallo a kangrunaan a nagballigi a kumakanta iti Awarding nga isuda: Shanelle Figueras a Grand Champion; Manuelito Amor, First Runner-up; ken ni Freddie Barba, 2nd Runner-up.
Naikkan met iti Certificate of Appreciation dagiti Nag-Hurado babaen iti panangiyawat da Mayor Josh Edward S. Cobangbang; SBM Danny Q. Gazmen; SBM Vicky S. Serna ken ni SBM Josefina S. Vallejo.
Idauluan pay ni Mayor Josh Edward S. Cobangbang dagiti nangesponsor iti Cabugao Birit Quest 2018. # (Web In-Action)
No comments:
Post a Comment